ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

प्यूठानमा विदेशबाट आएका ४८ जना क्वारेन्टाइनमा 

२०७६ चैत, १९  
प्रदेश ०५
Image Not Found
author avatar राजेश जीसी

चैत २०, प्यूठान । प्यूठानमा भारत तथा तेस्रो मुलुकबाट आएका ४८ जनालाई क्वारेन्टाइनमा राखिएको छ । विश्वभर कोरोना भाइरस फैलिएपछि नेपाल फर्किएका नागरिकलाई जिल्लाका विभिन्न स्थानीय तहले निर्माण गरेका क्वारेन्टाइनमा राखिएको छ ।

कोरोना संक्रमण हुन नदिन स्थानीय तहहरूले बाहिरबाट आफ्ना नागरिकलाई क्वारेन्टाइनमा राखेका हुन् । 
स्वर्गद्वारी नगरपालिकाले २२ र ऐरावती गाउँपालिकाले २६ जना गरि कुल ४८ जनालाई क्वारेन्टाइनमा राखेको सम्बन्धित स्थानीय तहले जानकारी दिएका छन् । भारत, मलेसिया, कतार, दुबई, यूएई लगायत देशबाट आएका नागरिकलाई राखिएको छ ।

जिल्लामा हालसम्म २९१ बेडको क्वारेन्टाइन र ७ बेडको आइसोलेसन कक्ष निर्माण गरिएको छ, जसमा स्वर्गद्वारी नगरपालिकामा १००, प्यूठान नगरपालिकामा ९७, ऐरावती गाउँपालिकामा २५, सरुमारानी गाउँपालिकामा १२, नौबहिनी गाउँपालिकामा १५, झिमरुक गाउँपालिकामा ५, माण्डवी गाउँपालिकामा २०, गौमुखी गाउँपालिकामा ७ र मल्लरानी गाउँपालिकामा १० ओटा बेडको क्वारेन्टाइनका साथै प्यूठान अस्पताल बिजुवारमा ४ बेड र प्राथमिक स्वास्थ्य केन्द्र भिंग्रीमा ३ बेडको आइसोलेसन कक्ष निर्माण गरिएको छ ।

जिल्लामा ३ हजारभन्दा धेरै युवा विदेशबाट जिल्लामा फर्किएका छन् । रोजगारी, अध्ययन, भ्रमण लगायत प्रयोजनमा विभिन्न देशमा गएका नागरिक फर्किएको जिल्ला प्रहरी कार्यालय प्यूठानले जानकारी दिएको छ । प्यूठानमा हालसम्म २९१ बेडको क्वारेन्टाइन निर्माण भए पनि २५० भन्दा बढी बेड रित्तै छन् । 

प्रतिक्रिया [0]
प्रतिक्रिया दिनुहोस्