ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

स्वास्थ्य उपकरण खरीदमा विवाद

२०७६ चैत, २०  
पाठक विचार
NA

सरकारले कोरोना प्रकोप रोकथाम तथा नियन्त्रणका लागि चीनबाट स्वास्थ्य उपकरण किन्न ओम्नी समूहसँग गरेको सम्झौता मात्र रद्द ग¥यो तर यसले अहिले निकै ठूलो तरंग ल्याएको छ । एकातिर सत्तारूढ दलमा आलोचना सुन्न नसक्ने बानी रहेको पुष्टि गरेको छ भने अर्को संकटका बेला कसरी चलखेल गरेर भ्रष्टाचार गरिँदो रहेछ भने पनि देखाएको छ । योभन्दा पनि डरलाग्दो कुरा अर्को छ । कोरोनाबाट त्रस्त जनता सरकारले जे भनेको छ त्यो मानेर चुपचाप घरभित्र बसेका छन्, एकाध घटनालाई छाडेर । यस्तोमा सरकारले बजार मूल्यभन्दा निकै महँगोमा स्वास्थ्योपकरण किन्ने रातारात निर्णय गर्छ र त्यसरी ल्याइएको सामान पनि कम गुणस्तरको भएको भनिएको छ । यस्तोमा जनता सरकारप्रति आक्रोशित हुनु स्वाभाविक हो । यो आक्रोश सामाजिक सञ्जालमा छताछुल्ल भएको पाइन्छ । 

प्रधानमन्त्री ओलीलाई ‘गलत ब्रिफिङ’ गरी सम्झौता गरिएको भनिँदै छ । प्रधानमन्त्री ओलीले ठूलो आर्थिक चलखेल भएको थाहा पाएपछि सम्झौता रद्द गर्ने निर्णय लिएको पनि भनिन्छ । तर, प्रधानमन्त्रीले यसो भनेर रद्द गरेर पुग्दैन । उहाँ दोषी होइन भने त्यस्ता सल्लाहकारमाथि कारबाही गर्न सक्नुपर्छ । तर, त्यसो हुन सक्दैन किनभने तिनलाई कारबाही गर्न सक्ने आँट नै छैन । त्यही भएर कतिपयले त प्रधानमन्त्री जानकार नभएको पत्याउन सकिँदैन भनिरहेका छन् । 

संकटको यस घडीलाई कमाउने अवसर बनाउने सल्लाहकारमाथि कडा कारबाही गर्नुपर्ने आवाज सामाजिक सञ्जालमा उठिरहेको छ । राज्यको ढुकुटी र लाखौं नेपालीको ज्यानमाथि खेलवाड गर्न खोज्ने जोकोही भए पनि सरकारले कारबाही गर्नैपर्छ । पटकपटक वरिपरिकै व्यक्तिबाट बदनाम भइरहेका प्रधानमन्त्री ओलीले यो घटनालाई गम्भीरपूर्वक लिएर कारबाही प्रक्रिया अघि नबढाए प्रश्न प्रधानमन्त्रीमाथि नै उठ्न सक्छ । 

हरि अधिकारी
कलंकी, काठमाडौं ।

 

प्रतिक्रिया [0]
प्रतिक्रिया दिनुहोस्