ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

भारतबाट आएका मध्ये २३६ जना मात्रै क्वारेन्टाइनमा, १२२६ जना गाउँमै

२०७६ चैत, २०  
प्रदेश ०५
Image Not Found
author avatar पंखबहादुर शाही

चैत २१, दैलेख । विश्वभरि कोरानाको संक्रमण फैलिएपछि भारत वा तेस्रो मुलुकबाट दैलेखमा १ हजार ४६२ जना भित्रिएका छन् । संक्रमण हुने त्रासले ती व्याक्ति भारत लगायत तेस्रो मुलुकबाट जिल्लामा आएका हुन् । ११ ओटा स्थानीय तह रहेको यहाँका गाउँ/नगरपालिकामा विदेशबाट गाउँमा आएका १ हजार ४६२ जना मध्ये २३६ जना मात्र क्वारेन्टाइनमा बसेका छन् भने १ हजार २२६ जना परिवारसँगै बस्ने गरेका छन् । 

जिल्ला प्रशासन कार्यालय दैलेखले सार्वजनिक गरेको सूचना अनुसार आठविस नगरपालिकाले ३७३ जना मध्ये ८२ जना, दुल्लू नगरपालिकाले २२० जनामध्ये २० जना, महाबु गाउँपालिका ५० जनामध्ये २१ जनालाई क्वारेन्टाइनमा राखेको छ । 

यस्तै, नारायण नगरपालिकामा १५९ जना, गुराँस गाउँपालिकामा १२१ जना, डुङ्गेशवर गाउँपालिकामा ४७ जना, भगवतीमाई गाउँपालिकामा ८४ जना, नौमुले गाउँपालिकामा ७० जना, महाबु गाउँपालिकामा ५० जना भित्रिएको जिल्ला विपद समितिले जानकारी दिएको छ । विदेशबाट आएका मानिस गाउँमा खुला हिडडुल गर्न थालेपछि स्थानीयबासी त्रसित बनेका छन् ।

गाउँमा आएका कोही व्यक्ति बिना स्वास्थ्य चेकजाँच कै गाउँमा आउने गरेपछि स्थानीयमा निकै त्रास फैलिएको ठाटीकाँध गाउँपालिका–४ का पंकज कठायतले बताए । उनीहरुमा कोरोना भाइरस संक्रमण भए  भयावह स्थित आउन सक्छ,’ उनले भने । 

गाउँपालिकाको वेवास्ताले गर्दा ठाटीकाँध वडानं –६ मा बिहीवार मात्र ५ ओटा क्वारेन्टाइन वेड बनाईएको छ । पहिले नै भारत वा तेस्रो मुलुकबाट आएका गाउँभरी छन् । 

चामुण्डाविन्द्रासैनी नगरपालिकाले भने भारत वा तेस्रो मुलुकबाट गाउँमा आएका ११३ जनालाई क्वारेन्टाइनमा राखेर कोभिड–१९ संक्रमण फैलिन नदिनको लागि नगरपालिका पुरै लकडाउन गरेको चामुण्डाविन्द्रासैनी नगरपालिका प्रमुख प्रशासकिय अधिकृत तिलक विकले जानकारी दिए । 

महाबु गाउँपालिकाले क्वारेन्टाइन र कोरोना सम्बन्धी मापदण्ड पूरा नगरी बिहीवार २१ जनालाई घर पठाएको छ । अन्य जिल्लामा काम गरी घर फर्केका २१ जनालाई २ दिन मात्र क्वारेन्टाइनमा राखि घर पठाएको हो । 

क्वारेन्टाइनमा कम्तिमा १४ दिन निगरानीमा राख्नु पर्ने सरकारी तथा कोरोना सम्बन्धी मापदण्ड भएपनि महाबु गाउँपालिका अध्यक्ष जंगबहादुर शाहीले त्यसको वेवास्ता गर्दे क्वारेन्टाइनमा रहेका २१ जनलाई घरमा पठाएको स्वीकार गरे । उनले भने, ‘क्वारेन्टाइनमा राखिएका मानिस विदेशबाट नआई आफ्नै मुलुकका विभिन्न जिल्लाबाट आएको हुँदा घरमा पठाइएको हो । ‘महाबुगाउँपालिकामा ५० जना भारतबाट आएका मानिस होम क्वारेन्टाइनमा बसिरहेको गाउँपालिकाले जानकारी दिएको छ । 

क्वारेन्टाईनमा राखिएका व्याक्ति मापदण्ड पूरा नगरि घरमा पठाएपछि स्थानीयबासी त्रसित बनेका छन् । विदेशबाट आएकालाई खोजी गरेर क्वारेन्टाइनमा राख्नुपर्ने ठाउँमा राखिएका लाई नै घर पठाउनु गाउँपालिकाले गल्ती गरेको स्थानीयबासी बताउछन् । 

७०९ वेडको क्वारेन्टाइन
जिल्लामा ७०९ क्वारेन्टाइन वेड छन् भने, ७४ ओटा आइसोलेशन वेड तयार गरिएको छ । स्वास्थ्यकर्मी व्याक्तिगत सुरक्षा उपकरण (पीपीई) १३७ सेट रहेको जिल्ला प्रशासन कार्यालय दैलेखका प्रमुख जिल्ला अधिकारी युवराज कटेलले बताए । 

प्रतिक्रिया [0]
प्रतिक्रिया दिनुहोस्