ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

विपन्न परिवारका लागि पनौतीमा फूड बैंक स्थापना        

२०७६ चैत, २१  
वाग्मती प्रदेश
Image Not Found

चैत २२, काभ्रेपलाञ्चोक । कोरोना भाइरस संक्रमणको उच्च जोखिम बढ्दै गएपछि काभ्रेपलाञ्चोकको पनौती नगरपालिकाले ‘फूड बैंक’ स्थापना गरेको छ ।     
     
बैंकमा जम्मा भएका खाद्यान्न शनिवारदेखि नगरका विपन्न परिवारलाई राहतस्वरुप वितरण गर्ने नगरपालिकाले बताएको छ । नगरका अतिविपन्न परिवारलाई राहत उपलब्ध गराउन फूड बैंक स्थापना गरिएको नगरप्रमुख भीम न्यौपानेले बताए ।

‘पहिलो चरणको प्याकेजमा सबै वडाले पहिचान गरेका अतिविपन्न परिवारलाई शनिवारदेखि राहत वितरण शुरु गर्दैछौं’, उनले भने, ‘वडाद्वारा छनोट भएका १३० अतिविपन्न परिवारलाई एक हप्ताका लागि खाद्यान्नसहित फूड बैंकमा उपलब्ध स्वास्थ्य सामग्री पनि वितरण गरिनेछ  ।’    
     
दोस्रो चरणमा सडक, सिँचाइ, खानेपानीजस्ता निर्माणका क्षेत्रमा खटेका मजदूरको वडागतरूपमा लिइरहेको तथ्यांक शनिवार बेलुकासम्म आउने भएकाले आइतवारदेखि करीब १ हजार मजदूरलाई राहत वितरण शुरु गरिने नगरप्रमुख न्यौपानेले बताए ।

उनले भने, ‘सबैलाई एकैपटक राहत उपलब्ध दिन नसक्ने भएकाले चरणबद्ध योजना बनाएका हौं ।’ उनका अनुसार लकडाउन लम्बिए सोहीअनुसार राहतको व्यवस्था गरी दोस्रो चरणमा वितरण गरिनेछ ।     
     
नगरको राहत प्याकेजअन्तर्गत चार जनासम्मको परिवारलाई १० किलो चामल र त्योभन्दा बढी भएमा २५ किलो, दाल, आलु, गेडागुडी, नुन, तेल, बेसार, प्याज, लसुन, चाउचाउ, बिस्कुट, साबुन, चिनी, चियापत्ती, चिउरा, दालमोठलगायत १७ प्रकारका छन् ।

नगरद्वारा प्रत्येक वडामा राहत वितरण व्यवस्थापनका लागि वडाध्यक्षको संयोजकत्वमा सात सदस्यीय समिति पनि गठन गरेको छ । नपामा १२ वडा छन् । पनौतीस्थित इन्दे्रश्वर प्राथमिक विद्यालयमा फूड बैंक स्थापना गरिएको हो ।     
     
वडास्तरमा राहत वितरणमा एक मिटरको दूरी कायम गर्ने नियम बनाइएको फुड बैंक व्यवस्थापन समितिका संयोजक रहेका नगरका वरिष्ठ प्रशासकीय अधिकृत इन्द्रप्रसाद अधिकारीले जानकारी दिए ।

उनका अनुसार नगरले दैनिक उपभोग्य सामग्रीको तालिका बनाएर आफ्ना क्षेत्रमा रहेका किराना पसल, स्टोर तथा विक्रेता–आपूर्तिकर्ताको सूची तयार गर्नसमेत वडा कार्यालयलाई निर्देशन दिइएको छ ।  रासस
 

प्रतिक्रिया [0]
प्रतिक्रिया दिनुहोस्