ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

जनकपुरमा सबै जनाको रिपोर्ट नेगेटिभ 

२०७६ चैत, २१  
प्रदेश ०२
Image Not Found
author avatar कमलेश ठाकुर

चैत २२, जनकपुरधाम । कोरोना संक्रमणको आशंकामा प्रादेशिक अस्पताल जनकपुरको आइसोलेसनमा रहेका पाँचै जनाको रिपोर्ट नेगेटिभ आएको छ । अस्पतालको ल्याबमा स्वाब परीक्षण गर्दा उनीहरूको रिपोर्ट नेगेटिभ आएको हो।


सामाजिक विकास मन्त्रालयका प्रवक्ता विजय झाले पाँचै जनाको नेगेटिभ रिपोर्ट आएको जानकारी दिए । उनीहरूको रिपोर्ट शुक्रवार अबेर राति आएको थियो । प्रदेश २ मा हालसम्म ३८ जनाको नेगेटिभ रिपोर्ट आएको छ। ‘शुक्रवारसम्म ७३ जनाको स्वाबको नमूना परीक्षणका लागि पठाइएको छ, जसमध्ये ३८ जनाको रिपोर्ट आइसकेको छ, सबै नेगेटिभ छ,’ झाले भने, ‘३५ जनाको रिपोर्ट आउन बाँकी छ ।’


कोरोना भाइरस संक्रमणको शंका भएका बिरामीको स्वाबको नमूना परीक्षणका लागि प्रादेशिक अस्पतालबाहेक काठमाडौंको टेकु र धरान पठाइएको उनले जानकारी दिए । सप्तरीबाट परीक्षणका लागि धरान पठाइएका ९ जनाको नमूनामा पनि कोरोना पुष्टि नभएको झाले बताए ।


धनुषाको नगराइन नगरपालिकास्थित गंगुली क्वारेन्टाइनमा रहेका ११ जनाको पनि रिपोर्ट नेगेटिभ आएको छ । उनीहरूको स्वाब जाँचका लागि टेकु पठाइएको थियो ।
झाले भारतको दिल्लीमा धार्मिक सभाबाट फर्केका ३५ जनाको स्वाब परीक्षणका लागि शुक्रवार काठमाडौं पठाइएको तर रिपोर्ट आउन बाँकी रहेको जानकारी दिए । बारा, रौतहट, पर्सा र सप्तरीका विभिन्न क्वारेन्टाइनमा रहेका उनीहरूको नमूना परीक्षणका लागि काठमाडौं पठाइएको छ ।
 

प्रतिक्रिया [0]
प्रतिक्रिया दिनुहोस्