ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

खुद्रा बजार बन्द गर्ने कालिमाटी तरकारी बजारको निर्णय

२०७६ चैत, २१  
समाचार
NA
author avatar प्रशान्त खड्का

चैत २२, काठमाडौं  । काठमाडौंस्थित कालिमाटी फलफूल तथा तरकारी वजार विकास समितिले आफ्नो खुद्रा बजार बन्द गर्ने निर्णय गरेको छ । 

यसअघि लकडाउनको अवधिमा तरकारी बजारमा भिड बढेको भन्दै चैत १६ गते वसेको सरोकारवालाहरुको संयुक्त बैठकवाट थोक बजार विहान २ देखि ७ बजे र खुद्रा बजार बेलुका ५ देखि ७ बजे समय तोकेको थियो ।

सस्तोमा तरकारी पाइने भएका कारण खुद्रा बजारमा उपभोक्ताहरुको भिड बढेकाले व्यापारी र ग्राहकहरुको स्वास्थ्यलाई ध्यानमा राख्दै लकडाउन अवधिभर खुद्रा बजार बन्द राख्ने निर्णय गरिएको कालिमाटी फलफूल तथा तरकारी बजार विकास समितिका सूचना अधिकृत विनय श्रेष्ठले जानकारी दिए । 


यस अघि सामान्य अवस्थामा दैनिक ८/ ९०० टन तरकारी आयात हुने तरकारी बजारमा शुक्रवार ५०० टन र शनिवार विहानसम्म १३२ टन तरकारी आएको उनले बताए  ।

यसका साथै संक्रमणको खतरालाई कम गर्न भारतीय तरकारी आयातमा रोक लगाउने निणर्य गरेपछि कालिमाटी तरकारी बजारमा माछा, प्याज र फलफूल लगाएतका भारतीय तरकारीहरुको अभाव भएको व्यापारीहरुले बताएका छन् ।

हाल नेपाली तरकारीले नै तरकारीको माग धानिरहेको कालिमाटी फलफूल तथा तरकारी बजार व्यवसायी संस्थाका अध्यक्ष गिताप्रसाद आचार्यले बताए । यद्यपि माग धान्ने कुरा भन्दा पनि यतिबेला स्वास्थ्य सुरक्षा पहिलो आवश्यकता भएको उनले बताए ।

प्रतिक्रिया [0]
प्रतिक्रिया दिनुहोस्