arthik abhiyan
ad banner Mango Tech Digital Marketing Solution

१५.१४ अंक बढेर १२७० को विन्दुमा परिसूचक, १ अर्ब ७० करोडको कारोबार

नेपाल दूरसञ्चारको सर्वाधिक कारोबार

२०७६ पौष, २८  
लगानी नेप्से विश्लेषण
Image Not Found
author avatar अभियान संवाददाता

पुस २८, काठमाडौं । सोमवार नेप्से परिसूचक बढेर बन्द भएको छ । आइतवार ४२ दशमलव ६१ अंक बढेको परिसूचक यस दिन भने १५ दशमलव १४ अंक बढेर १ हजार २७० दशमलव ८६ विन्दुमा पुगेर बन्द भएको हो ।
 

पछिल्लो समय सरोकारवालाहरु पूँजीबजार प्रति सकारात्मक रहेकाले लगानीकर्ताहरुको मनोबल बढेको देखिन्छ । 

यस दिन १ हजार २६० दशमलव शून्य २ विन्दुबाट शुरु भएको कारोबारमा पहिलो आधा घण्टाभित्र घटबढ हुँदै १ हजार २५९ को विन्दुमा झरेको थियो । तत्पश्चात् निरन्तर उकालो लागेको बजार तेस्रो घण्टामा बढेर १ हजार २८५ दशमलव ५१ विन्दुसम्म पुगेको थियो ।

 गत कारोबार दिनदेखि उकालो लागेको परिसूचक र कारोबार रकममा आएको वृद्धिसँगै लगानीकर्ताहरुको मनोबल बढेको देखिन्छ । 

सोमवार कारोबारमा आएका १२ समूहको परिसूचकमध्ये उत्पादन तथा प्रशोधन र लघुवित्त समूहको परिसूचकबाहेक बाँकी सबै समूहको परिसूचक बढेर बन्द हुँदा समग्र नेप्से परिसूचक १ दशमलव २१ प्रतिशत बढ्न पुगेको छ ।
 

कारोबार अवधिभर जलविद्युत् समूहको परिसूचक सर्वाधिक ४ दशमलव ९४ प्रतिशत बढेको छ भने व्यापार समूहको परिसूचक ३ दशमलव ६६ प्रतिशत बढेको छ । 
यस्तै बैंकिङ, वित्त र ‘अन्य’ समूहको परिसूचक १ प्रतिशतभन्दा बढी बढेको छ भने होटल, विकास बैंक, निर्जीवन बीमा, जीवन बीमा र म्युचुअल फन्ड समूहको परिसूचक १ प्रतिशतभन्दा कम बढेका छन् । 

घटेर बन्द हुनेमा उत्पादन तथा प्रशोधन समूहको परिसूचक शून्य दशमलव शून्य ८ प्रतिशत घटेको छ भने लघुवित्त समूहको परिसूचक शून्य दशमलव ७० प्रतिशत घटेको छ ।

सोमवार रू. १ अर्ब ७० करोडको कारोबार

यस दिन कारोबार अवधिभर रू.१ अर्ब ७० करोड ५० लाख बराबरको शेयर खरीदविक्री भएको छ । यो अघिल्लो कारोबार दिनको तुलनामा २७ दशमलव ६५ प्रतिशत बढेको हो ।
 गत कारोबार दिन आइतवार रू.१ अर्ब ३३ करोड ५७ लाख रकम बराबरको कारोबार भएको थियो । सेन्सेटिभ इन्डेक्स यस दिन ३ दशमलव ५५ अंक बढेर २७६ दशमलव २८ विन्दुमा पुगेर बन्द भएको छ । 


दुई कम्पनीको शेयरमूल्यमा सर्किट

सोमवार घोडीघोडा लघुवित्त र सानिमा माई हाइड्रोपावरको शेयरमूल्य सर्वाधिक बढेर कारोबार हुँदा कम्पनीको शेयरमूल्यमा सकारात्मक सर्किट लागेको छ ।
घोडीघोडा लघुवित्तको शेयरमूल्य ९ दशमलव ८७ प्रतिशत बढेर रू.८३५ मा पुगेको छ ।

सानिमा माई हाइड्रोपावरको शेयरमूल्य ९ दशमलव ७८ प्रतिशत बढेर अन्तिम शेयरमूल्य रू.२०२ मा बन्द भएको छ । यस्तै शेयरमूल्य घटेर कारोबार हुनेमा नयाँ नेपाल लघुवित्तको शेयरमूल्य ६ दशमलव ५७ प्रतिशत घटेको छ । 

कम्पनीको शेयरमूल्य रू.४३ घटेर अन्तिम शेयरमूल्य रू.६११ कायम रहेको छ । सिभिल लघुवित्तको शेयरमूल्य ५ दशमलव ९८ प्रतिशत घटेको छ । कम्पनीको अन्तिम शेयरमूल्य रू.८०२ मा सिमित भएको छ ।


१२ समूहको परिसूचक


नेपाल दूरसञ्चारको सर्वाधिक कारोबार

सोमवार नेपाल दूरसञ्चार कम्पनीको सर्वाधिक शेयर कारोबार भएको छ । कम्पनीको ९२ हजार ४०६ कित्ता शेयरको खरीदविक्री हुँदा रू.६ करोड ४ लाख बराबरको शेयर कारोबार भएको छ । 

कम्पनीको शेयरमूल्य भने प्रतिकित्ता रू.६४५ कायम छ । कारोबार रकमकै आधारमा दोस्रोमा नेपाल लाइफ इन्स्योरेन्सको रू.५ करोड ९७ लाख बराबरको शेयर कारोबार भएको छ । 

कम्पनीको शेयरमूल्य प्रतिकित्ता रू.१ हजार १ मा सिमित रहेको छ । यस दिन कारोबारमा आएका १८३ कम्पनीमा ११४ कम्पनीको शेयरमूल्य बढेको छ भने ५६ कम्पनीको घटेको छ । साथै १३ कम्पनीको शेयरमूल्य भने स्थिर रहेको छ ।
 

प्रतिक्रिया [0]
प्रतिक्रिया दिनुहोस्