ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

रौतहटमा साताको ३ दिन बैंक खुल्ने

२०७६ चैत, २२  
प्रदेश ०२
NA
author avatar दीपेश पौडेल

चैत २३, रौतहट । रौतहटमा रहेका बैंकका शाखाहरू सातामा तीन दिन खुल्ने भएका छन् । कोरोना भाइरसको संक्रमण रोक्न मुलुक लकडाउन भएपछि बैंकका शाखा खोल्न अनिवार्य गरिएको थिएन ।

तर जिल्ला प्रशासन कार्यालय रौतहटले शनिवार सामाजिक सञ्जालमा सूचना राख्दै सबै प्रकारको कारोबार गर्ने बैंकहरूलाई साताको तीन दिन २ घण्टा खोल्न भनेको छ । 
आइतवार, मंगलवार र बिहीवार बैंक खोल्न सूचना जारी गरेसँगै बैंकको सेवा बिहान ११ बजेदेखि दिउँसो १ बजेसम्म रहने बताइएको छ । बैंक खोल्ने क्रममा कोरोना भाइरसको संक्रमण हुन नदिन बैंकहरूले अनिवार्य रूपमा प्रवेशद्वारमा साबुनपानीको प्रबन्ध गरी सेवाग्राहीका लागि अनिवार्य हात धुने व्यवस्था मिलाउनुपर्नेछ ।

यस्तै मास्क र सेनिटाइजरको प्रयोग गर्ने गराउनुका साथै एक पटकमा एक जना सेवाग्राहीलाई मात्र प्रवेश दिई निश्चित सामाजिक दूरी अपनाई सेवाप्रवाहको व्यवस्था मिलाउन जिल्ला प्रशासन कार्यालय रौतहटले भनेको छ । सावधानी अपनाई बैंकिङ सेवा प्रवाह गर्न÷गराउन जिल्ला प्रशासन कार्यालय रौतहटले सबैमा सूचित गरेको छ । 
 

प्रतिक्रिया [0]
प्रतिक्रिया दिनुहोस्