arthik abhiyan
ad banner Mango Tech Digital Marketing Solution

वीरगञ्जमा क्यान इन्फोटेक मेला माघ ९ गतेदेखि 

२०७६ पौष, २९  
बजार
NA


वीरगञ्ज (अस) । वीरगञ्जमा माघ ९ गतेदेखि ५ दिने सूचना प्रविधि प्रदर्शनी ‘क्यान इन्फोटेक मेला–२०२०’ हुने भएको छ । उक्त मेला माघ १३ गतेसम्म सञ्चालन हुने कम्प्युटर एशोसिएशन नेपाल महासंघ (क्यान) पर्साले बताएको छ । 

क्यान पर्साले आइतवार वीरगञ्जमा पत्रकार सम्मेलन गरी दिएको जानकारी अनुसार सूचना तथा सञ्चारप्रविधिबारे चेतना बढाउन मेला आयोजना गर्न लागिएको हो । मेलाले स्थानीय उद्योग तथा उद्यमीको आवश्यकता पहिचान र प्रविधिको आपूर्तिमा सहयोग पुर्‍याउने क्यान पर्साका अध्यक्ष दीपक साहले बताए । 

क्यान महासंघ प्रदेश २ र पर्सा जिल्ला समितिको आयोजनामा मेला गर्न लागिएको हो । मेला वीरगञ्जको नगरसभा गृहमा सञ्चालन गरिनेछ । मेलामा आईसीटी एसेसरिज, गेम पार्लर, प्रडक्ट लन्चिङ, रकेट प्रदर्शनी, रोबोटिक्स, ई–बेस्ट म्यानेजमेन्ट, वाइफाइ, इन्टरनेट र लर्निङ सेन्टर र रोजगार केन्द्र मुख्य आकर्षणका रूपमा रहने अध्यक्ष साहले बताए । 

प्रदर्शनीमा राष्ट्रिय तथा अन्तरराष्ट्रियस्तरका कम्पनी सहभागी हुने उनको भनाइ छ । मेलामा ६० भन्दा बढी स्टल राखिनेछ । त्यस्तै, ५० हजारभन्दा बढी अवलोकनकर्ता सहभागी गराउने आयोजकको लक्ष्य छ । 

प्रतिक्रिया [0]
प्रतिक्रिया दिनुहोस्