ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

उद्योग वाणिज्य महासंघद्वारा  ४ हजार प्याकेट राहत सामग्री वितरण

२०७६ चैत, २२  
समाचार
Image Not Found
author avatar अभियान संवाददाता

चैत  २३, काठमाडौं । नेपाल उद्योग वाणिज्य महासंघले कोरोना भाइरसको संक्रमण रोकथामका लागि मुलुकभित्र जारी लकडाउनका समयमा विहान वेलुका हातमुख जोर्न समस्या भएका श्रमिक÷कामदारहरूका लागि आइतवार पहिलो चरणमा ४ हजार प्याकेट राहत सामग्री वितरण गरेको छ ।

बाँचौं र बचाऔं अभियानमा महासंघद्वारा कोरोना भाइरस विरुद्ध सहयोग अभियान २०२० संचालन गरी राहत सामग्री संकलन कार्य जारी राखेको छ ।
छ । 

उद्योग, वाणिज्य तथा आपूर्ति मन्त्री लेखराज भट्ट र महासंघका अध्यक्ष भवानी राणाले आइतवार काठमाडौंमा एक कार्यक्रम बीच संयुक्तरूपमा राहत सामग्री हस्तान्तरण गरे  । राहत सामग्रीमा प्रतिप्याकेट १० केजी चामल, १ केजी दाल रहेको छ । 

उक्त राहत सामग्री उद्योग वाणिज्य संघ काभ्रे, काठमाडौं महानगरपालिका वडा नम्वर ३१, मध्यपुर थिमि वडा नम्वर ३ र ६, काठमाडौं महानगरपालिका वडा नम्वर १६, उत्पिडित सुकुम्वासी वस्ती, वडा नम्वर ११ थापाथली, अन्तरराष्ट्रिय आप्रवासी समुदाय, डोलेश्वर महादेव समिति, कामनपा वार्ड नम्वर १ र २०, नेपाल चलचित्र प्राविधिक संघ, गणेश केसी समेतको टोल, सुन्दरीजल चाइना गेट, पशुपति क्षेत्रका सवै आश्रम,  नवजिवन चिल्ड्रेन होम हात्तिवन ,ललितपुर लगायतका संघसंस्था मार्फत वितरण गर्ने गरी  हस्तान्तरण गरिएको छ ।

राहत सामग्री वितरण कार्यक्रममा महासंघको कार्यकारिणी समितिका सदस्यहरू जय शिवाकोटी, आकाश अधिकारी, रविन श्रेष्ठ र नेपाल विज्ञापन संघका पदाधिकारीहरूको सहभागिता थियो । 

महासंघले यस अघि “कोरोना भाइरस संक्रमण रोकथाम, नियन्त्रण तथा उपचार कोष” मा रू.५० लाख सहयोग गरिसकेको छ भने बा“की रू.१ करोड बराबरको स्वास्थ्य तथा खाद्यान्न लगायतको सामग्रीहरू सहित जम्मा रू.१ करोड ५० लाख वरावरको सहयोग गर्ने घोषणा गरेको छ ।

महासंघले संस्थागत सामाजिक उत्तरदायित्व समेतलाई मनन गर्दै मुलुकलाई परेको अप्ठेरो समयमा सरकारलाई हरतरहले सहयोग गर्दै आएको विज्ञप्तिमार्फत बताएको छ ।
महासंघले लकडाउनको समयमा अत्यावश्यक उद्योगहरू सुरक्षाको उपायहरू अवलम्वन गर्दै संचालन गर्न आग्रह समेत गरेको छ । 

त्यसैगरी महासंघले सवै सदस्य संघ संस्था उद्योग प्रतिष्ठानहरूलाई अत्यावश्यक सामग्रीहरूको पारदर्शी र निश्पक्ष रूपमा विक्री वितरण गर्न तथा आम जनमानसमा अनावश्यक रूपमा अत्यावश्यक सामग्रीहरूको भण्डारण नगर्न पनि भनेको  छ ।
 

प्रतिक्रिया [0]
प्रतिक्रिया दिनुहोस्