arthik abhiyan
ad banner Mango Tech Digital Marketing Solution

वनक्षेत्रमा एक्स्क्याभेटर प्रयोग गरी अवैध उत्खनन

२०७६ पौष, २९  
प्रदेश ०१
NA


इटहरी (अस) । सुनसरीको इटहरी उपमहानगरपालिका–३, बौकाझोडाको वनक्षेत्र तथा शेरा खोलामा एक्स्क्याभेटर प्रयोग गरी अवैध उत्खनन भएको पाइएको छ । सरस्वती सामुदायिक वन क्षेत्रमा अहिले दुईओटा एक्स्क्याभेटर प्रयोग गरेर अनधिकृत रूपमा उत्खनन गर्ने गरेको स्थानीयले बताएका छन् ।  

वनक्षेत्रबाट ढुंगा गिट्टी निकाल्न नपाइने भए पनि उपमहानगरपालिकाले ऐन मिचेर ठेक्का लगाएकाले ठेकेदारले  उत्खनन शुरू गरेका हुन् । स्थानीयले उपमहानगरले अवैध उत्खनन रोक्न चासो नदिएको आरोप लगाएका छन् । स्थानीय युवाले उत्खनन तत्काल रोक्न उपमहानगरमा निवेदन समेत दिएका थिए । तर, उपमहानगरले अहिलेसम्म यस विषयमा कुनै प्रतिक्रिया दिएको छैन । स्थानीयवासीको विरोध हुँदाहुँदै  वनक्षेत्रभित्र उत्खनन जारी छ । दिनदहाडै खोला दोहन भइरहँदा पनि स्थानीय तहका जनप्रतिनिधि, प्रहरी, वन समितिका पदाधिकारी, इटहरी उपमहानगर सहितका सरोकारवाला ‘कानमा तेल हालेर’ बसेको स्थानीयको आरोप छ । ठेकेदारबाट कमिशन पाउने भएपछि सम्बन्धित निकायका पदाधिकारी मौन बसेको उनीहरूको भनाइ छ ।  

शेरा खोलामा आउने बाढीले वर्षेनि इटहरी–३ को प्रगति टोल, तामाङ टोल लगायत अधिकांश बस्ती र खेतीयोग्य जमीन डुबानमा पर्ने गरेको छ । यसले करोडौंको क्षति हुने गरेको छ ।

प्रतिक्रिया [0]
प्रतिक्रिया दिनुहोस्