ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

विदेशमा अध्ययनरत विद्यार्थीलाई ५०० डलर सटही   सुविधा

२०७६ चैत, २२  
समाचार
Image Not Found
author avatar ममता थापा

चैत २३, काठमाडौं । विदेशमा अध्ययनरत नेपाली विद्यार्थीलाई आवस्यक खर्च अभिभावकमार्फत पठाउँदा अब नेपाल राष्ट्र बैंकले एनओसी (नो अब्जेशन सर्टिफिकेट)बीना सटही सुविधा दिने भएको छ । 

सरकारले उक्त सुविधा दिन केन्द्रिय बैंकलाई निर्दशन दिएसँगै अब एनओसी  नचाहिने भएको हो । यसअघि अभिभावकले सटही गर्न जाँदा अनिवार्य रुपमा एनओसी देखाउनु पथ्र्यो । अब सोहि व्यवस्थाअनुसार लागू गर्न केन्द्रीय बैंकले बैंक तथा वित्तीय संस्थालाई निर्देशन दिएको छ । 

यो व्यवस्थासँगै अभिभावकले प्रतिविद्यार्थी बढीमा अमेरीकी डलर ५०० वा सो बराबरको अन्य परिवत्र्य विदेशी मुद्रासम्म एक पटक मात्र पठाउन सक्नेछन् । यतिबेला कोभिड–१९ले गर्दा लकडाउनका कारण विदेशमा अध्ययनरत विद्यार्थीलाई आर्थिक अभाव भइरहेको छ ।
 

मन्त्रीपरिषद् बैठकले कोरोना भाइरसको प्रकोप र लकडाउनका कारण अधिकांश देशमा अध्ययनरत विद्यार्थीको दैनीक गुजारामा समस्या नहोस् भन्ने उद्देश्यले निर्वाह खर्च जुटाइदिन उक्त निर्देशन दिएको थियो । 

नेपाल राष्ट्र बैंकले यसअघिदेखि नै भारतबाहेकका अन्य मुलुकमा अध्ययनरत विद्यार्थीको हकमा दोस्रो पटकदेखि शिक्षण शुल्क तथा निर्वाह शुल्क वापतको रकम सटहीको लागि व्यवस्था गरेको थियो । तर सरकारले अहिले दिएको सटही सुविधामा एनओसी देखाउन नपरे पनि अन्य कागजात सहित शर्त भने पूरा गर्नुपर्नेछ । 

राष्ट्र बैंकका विदेशी विनिमय व्यवस्थापन विभागका कार्यकारी निर्देशक बमबहादुर मिश्रका अनुसार एनओसी विना अभिभावकमार्फत पठाइएको रकमको बेनिफिसरी हाल विदेशमा रहेका नेपाली विद्यार्थी हुनुपर्ने छ । 

निर्वाह खर्च वापतको रकम पठाउँदा निज विदेशमा रही अध्ययन गरिरहेको खुल्ने कागजात सहित बैंक तथा वित्तीय संस्थामा निवेदन पेश गर्नुपर्ने उनले बताए ।

‘विद्यार्थीका अभिभावक तथा आफन्तले मात्र यसरी रकम पठाउन पाउने छन् । सटही सुविधा माग गर्ने व्यक्तिले अन्य बैंक तथा वित्तीय संस्थाबाट यस्तो सटही सुविधा नलिएको स्वघोषणा पेश गर्नुपर्ने छ ,’ उनले भने ।

केन्द्रीय बैंकले बैंकहरुले यस्तो सुविधा दिएको विवरण भने महीना सकिएको एक हप्ताभित्र राष्ट्र बैंकमा बुझाउन निर्देशन दिएको छ । यस्तो रकमको दुरुपयोग भएको पाइएमा सम्बन्धित अभिभावक तथा आफन्त जिम्मेवार हुनुपर्ने प्रति केन्द्रीय बैंकले  थप ध्यानाकर्षण गराएको छ ।

सरकारले  विदेशमा रहेका नेपाली जहाँ छन् त्यहाँ सुरक्षित बस्न र आफ्नो व्यवस्थापन गर्दै जानसमेत अनुरोध गरेको छ । सरकारले पछि अवस्था स्वभाविक तथा सामान्य भएपछि मात्र नेपाल फर्कन सकिने तर हाललाई जो जहाँ छ त्यहि रहन पनि भनेको छ ।
 

साइप्रसका विद्यार्थीलाई ३०० यूरो सटही सुविधा

केन्द्रीय बैंकले बैंक तथा वित्तीय संस्थाहरुबाट  साइप्रसमा रहेका नेपाली विद्यार्थीहरुले प्राप्त गर्ने गरी शिक्षा मन्त्रालयको एनओसी बिना पनि सटहि सुविधा दिने घोषणा गरेको छ ।

गत चैत १४ गते राष्ट्र बैंक विदेशी विनिमय कारोवार गर्न इजाजतपत्र प्राप्त बैंक तथा वित्तीय संस्था र अन्य निकायहरूलाई जारी गरिएको एकीकृत परिपत्र – २०७६ शंसोधन गर्दै उक्त सुविधा थप गरेको हो ।
 

प्रतिक्रिया [0]
प्रतिक्रिया दिनुहोस्