ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

पीपीई नभएपछि प्लाष्टिकको सहारा 

२०७६ चैत, २२  
अन्तरराष्ट्रिय
Image Not Found

चैत २३, लन्डन (बेलायत) । कोरोना भाइरस संक्रमणका कारण बेलायतमा मृत्यु हुनेको संख्या निरन्तर बढिरहेको छ । त्यहाँका अस्पतालहरू सघन उपचार कक्षका शय्याहरू थप्ने कामलाई तीव्र वारेका छन् । तर अस्पतालमा उपकरणका साथै चिकित्सकहरुलाई व्यक्तिगत सुरक्षा वस्त्र (पीपीई) अभाव पनि चरम छ । 

यस्तोमा स्वास्थ्य कर्मीहरुले पीपीईको सट्टामा प्लाष्टिक प्रयोग गर्नु परेको नाम उल्लेख नगर्ने शर्तमा एक चिकित्सकले बताएको भन्दै बीबीसीले समाचार छापेको छ । केही अस्पतालमा पर्याप्त कर्मचारी नभएको, सघन उपचारका लागि शय्या अभाव भएको, सामान्य खालका एन्टिबायोटिक औषधि र भेन्टिलेटर समेत नभएको बताइएको छ । 

यी सबै कारणले गर्दा मध्य अप्रिलमा बेलायतमा कोरोना भाइरस  संक्रमण सर्वाधिक उच्च विन्दुमा पुग्न सक्ने चेतावनी आउन थालेको छ । आउने दिनको डरमा अस्पतालका कतिपय विभागहरूले भएका पीपीईहरू पनि लुकाउन थालेका छन् । 

यस्तोमा आफूलाई सुरक्षित राख्न स्वास्थ्यकर्मीहरुले टाउकोमा प्लास्टिकका फोहोर राख्ने झोला, प्लास्टिककै एप्रोन र स्की खेल्ने चस्मा सापटी मागेर चलाइरहेको बीबीसीमा बताइएको छ । ‘कोरोना भाइरस संक्रमणको उच्च जोखिममा रहेका सघन उपचार कक्षका नर्सहरूलाई कुनै सुरक्षा प्रदान नगर्ने टोपी लगाएर काम गर्न भनिएको छ । यो गलत हो । त्यसकारण हामी प्लास्टिकका झोला वा एप्रनले आफ्नो टाउको छोप्न बाध्य छौँ,’ ती चिकित्सकको भनाइ उद्धृत गर्दै समाचारमा भनिएको छ । 

चिकित्सकहरुलाई दिइएको मास्क समेत सबै पुरानो भएको र नयाँ मिति टाँसेर दिइएको गुनासो उनले गरेकी छिन् । बेलायतमा पीपीई लगायत सुरक्षाका साधनको अभाव हुन थालेपछि बिरामीको उपचारमा खटिएकै स्वास्थ्यकर्मीहरु समेत बिरामी पर्न थालेका छन् । तर अहिलेसम्म कति स्वास्थ्यकर्मीहरूलाई  कोरोना भाइरसको संक्रमण भएको छ भन्ने तथ्यांक नभएको एनएचएस इंगल्याण्डले बताएको छ । 

हालैका दिनमा त्यहाँ संक्रमणका कारण स्वास्थ्यकर्मीहरुको मृत्यु भएको समाचार भने आएका थिए । स्पेन र इटलीमा भने संक्रमिते स्वास्थ्यकर्मीको संख्या गत महीनाको अन्त्यतिर क्रमशः ९ हजार ४०० र ६ हजार ४१४ बताइएको छ । एजेन्सी
 

प्रतिक्रिया [0]
प्रतिक्रिया दिनुहोस्