ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

बागलुङमा लकडाउनमा थप कडाइ :  एकैदिन ४५ जना नियन्त्रणमा 

२०७६ चैत, २२  
प्रदेश ०५
Image Not Found
author avatar अर्जुन कार्की

चैत २३, बागलुङ । जिल्ला प्रहरी कार्यालय बागलुङले लकडाउनलाई थप कडाइ गरेको छ । सरकारले लकडाउनलाई झन् कडा पार्ने निर्णय गरे सँगै जिल्ला प्रहरी कार्यालय बागलुङले आइतवार लकडाउन उल्लंघन गर्ने ४५ जनालाई नियन्त्रणमा लिइ छोडेको छ । 

आइतवार बिहानैबाट गस्ती बढाएको प्रहरीले लकडाउन उल्लंघन गरि सडकमा हिड्ने बिहान ४० र दिउँसो ५ जनालाई नियन्त्रणमा लिइ छोडेको जिल्ला प्रहरी कार्यालय बागलुङका प्रहरी उपरीक्षक (एसपि) नवराज भट्टले जानकारी दिए । 

उनले अत्यावश्यक काम नपरेका मानिस भित्रै बसिदिन अनुरोध गर्दा समेत नटेरेपछि पक्राउ गर्न शुरु गरिएको बताए । एसपि भट्टले मुलुक लकडाउन रहेको र बाहिर हिडडुँल गर्न बन्द गरिएको थाहा पाउँदा पाउँदै सडकमा हिड्नेहरुलाई पक्राउ गरि १,२ घण्टा चौरमा राखेर छोडिएको जानकारी दिए
 ।
जिल्ला प्रहरी कार्यालय बागलुङले शनिवार नै फेसबुक मार्फत खाद्यान्नको लागि पसलहरुको फोन नम्बर लिइ घरमै मगाउन र पसललाई घर, घरमा पुर्‍याउन अनुरोध गरेको छ ।

प्रहरीले लकडाउन अवधिभर उल्लंघन गर्नेहरुलाई नियन्त्रणमा लिने र आवश्यक कारवाही गर्ने कार्य जारी राख्ने जानकारी दिएको छ ।

यस्तै गल्कोट बजारमा लकडाउन उल्लंघन गर्ने ४० जनालाई प्रहरी चौकी हटियाले नियन्त्रणमा लिइ छोडेको छ । बिना काम सडकमा हिड्ने ४० जनालाई नियन्त्रणमा लिई आधा घण्टा शिवालय मन्दिर परिसरमा राखेर छोडेको प्रहरी चौकी हटियाका प्रमुख अनुप केसी क्षेत्रीले जानकारी दिए । 

यसैबिच लकडाउनको अवधिभर बागलुङमा १३ ओटा सवारी साधनलाई कारवाही गरिएको छ । जिल्ला ट्राफिक प्रहरी कार्यालय बागलुङको अनुसार लकडाउनको पहिलो दिन चैत ११ गते १३ ओटा सवारी साधनलाई नियन्त्रणमा लिई सोहि दिन बेलुका छोडिएको छ । 

प्रतिक्रिया [0]
प्रतिक्रिया दिनुहोस्