arthik abhiyan
ad banner Mango Tech Digital Marketing Solution

मूर्ति बनाएर वार्षिक ६ लाख आम्दानी

२०७६ पौष, २९  
प्रदेश ०२
Image Not Found
author avatar कमलेश ठाकुर

जनकपुरधाम ।  धनुषाका ध्रुवकुमार पण्डितले देवीदेवताका मूर्ति बनाएरै वार्षिक करीब ६ लाख आमदानी गरिरहेका छन् । विदेह नगरपालिका तिनकौरीया चौकनिवासी उनले विगत ७ वर्षदेखि मूर्ति बनाउँदै आएका छन् । उनलाई अहिले माघे संक्रान्ति र सरस्वती पूजाका लागि मूर्ति बनाउन भ्याइनभ्याइ छ । 

आफ्नै पुर्खाबाट मूर्ति बनाउन सिकेको पण्डितले बताए । ७ वर्ष अगाडि वैदेशिक रोजगारीका लागि कतार पुगेका उनले त्यहाँ खासै आमदानी गर्न सकेनन् । त्यसपछि नेपाल फर्केर माटोका भाँडो बनाउने पुख्र्यौली पेशालाई निरन्तरता दिँदै उनले मूर्तिकला पनि सिके । एउटा मूर्ति बनाउन ८००  रुपैयाँदेखि १ हजार २०० रुपैयाँ खर्च हुने र २ हजारदेखि ५ हजार रुपैयाँसम्ममा विक्री हुने गरेको उनले बताए । उनी छोरालाई डाक्टर र छोरीलाई नर्स बनाउन दिनरात मेहनत गरिरहेको बताउँछन् । ‘सिजनमा राम्रो कमाइ हुन्छ । विश्वकर्मा पूजा, सरस्वती पूजा, दुर्गा पूजाका बेला कम्तीमा २ लाख रुपैयाँसम्मको कमाइ हुन्छ’, उनले भने, ‘प्रत्येक सिजनको जोडेर वार्षिक ६ लाखसम्म कमाइ हुन्छ ।’

प्रतिक्रिया [0]
प्रतिक्रिया दिनुहोस्