ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

मेटलाइफ फाउन्डेशनले २५ मिलियन डलर सहयोग गर्दै

२०७६ चैत, २३  
बजार
NA
author avatar अभियान संवाददाता

काठमाडौं । कोरोना भाइरस (कोभिड(१९) को विश्वव्यापी महामारी रोकथामका लागि बहुराष्ट्रिय कम्पनी मेटलाइफले २५ मिलियन डलर सहयोग गर्ने भएको छ । कोभिड–१९ बाट प्रभावित विश्व समूदायको समर्थनमा फाउन्डेशनले यो सहयोग घोषणा गरेको हो । 

फाउन्डेशनले प्रदान गर्ने अनुदान सबै मेटलाइफका कार्यालय भएका क्षेत्रहरूमा विस्तार हुने फाउन्डेशनको भनाई छ । 

‘सम्पूर्ण मानिसको समर्थन र संरक्षण गर्नु नै मेटलाइफ व्यवसायको प्रमुख उद्देश्य हो,’ मेटलाइफका अध्यक्ष तथा सीइओ मिशेल खलाफले भनेका छन्, ‘फाउन्डेशनले कोरोना भाइरसबाट बढी प्रभावित समूदायमा आफ्ना स्रोत तथा साधनहरूलाई परिचालित गरिरहेको छ । हामी जुन समूदायहरूमा काम गर्छौंं, आज त्यो समूदायलाई हाम्रो साथ र सहयोगको धेरै आवश्यकता भएकोले हामी आफूले सक्ने जति सबै सहयोग गर्न तयार छौँ ।’

फाउन्डेशनको प्रारम्भिक अनुदानले जरुरी आवश्यकता भएका समूदाय र व्यक्तिलाई तत्काल चाहिने खानपान, स्वास्थ्य सेवा, बाल हेरचाह र प्रत्यक्ष वित्तीय सहयोग गर्ने फाउन्डेशनको विश्वास छ । फाउन्डेशनले आफ्ना विद्यमान साझेदारहरूसँग मिलेर कम आय भएका मानिसलाई र साना व्यावसायको वित्तीय स्वास्थ्य निर्माण गर्न सहयोग पुर्‍याउने पनि बताएको छ । 

मेटलाइफ फाउन्डेशन र अन्य मेटलाइफका संस्थाहरूले एसिया, ईएमईए, ल्याटिन अमेरिका र संयुक्त राज्य अमेरिकामा राहतका लागि ४ मिलियन डलर अनुदान दिने घोषणा समेत गरिसकेका छन् ।

प्रतिक्रिया [0]
प्रतिक्रिया दिनुहोस्