ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

मौसम परिवर्तनको चौतर्फी असर

२०७६ चैत, २३  
१० वर्ष अघि
NA

मौसम परिवर्तनले तापक्रममा अचानक गडबडी ल्याउने कुरा  अब सत्यापित भइसकेको छ । त्यसले विश्वमा वातावरणीय, सामाजिक, आर्थिकलगायतका क्षेत्रमा प्रतिकूल प्रभाव पारिरहेका समाचारहरू पनि धमाधम आइरहेकै छन् । सुरुसुरुमा धेरै नेपालीहरूको मनले प्रकृतिमा त्यस्तो गडबडी भइहाल्ला भन्ने नमाने पनि आजकल भने तापक्रममा गडबडी देखिएको हो कि भनेझैं मान्न थालेका छन् । हाम्रो सरकारले पनि सुरुमा पत्याएको थिएन । तर करोडौं खर्च गरेर एक डफ्फा कोपनहेगनमा उतार्न पाएपछि भने ऊ पनि यसमा ढुक्क भएको छ । त्यसपछि त हाम्रा प्रधानमन्त्री तथा मन्त्रीहरूसमेत मौसम र तापक्रम परिवर्तनका ज्ञाता नै भएका देखिन थालेका छन् ।

साँच्चै नै मौसम परिवर्तनको असर सर्वव्यापी र तत्क्षण देखिने हुँदो रहेछ भन्ने प्रमाण नेपालमा बग्रेल्ती भेटिएका छन् । सदन र सडक दुवै चल्न नदिने भनेर झन्डै ६ महिनादेखि सदनको ढोकामा चाइनिज ताल्चा ठोकेर बसेका माओवादीले अचानक एकतर्फी रूपमा त्यो ताल्चा खोलेका छन् । यसरी एकाएक उनीहरूको मन परिवर्तन हुनुको मुख्य कारण मौसम परिवर्तनले गर्दा बदलिएको उनीहरूको मस्तिष्कको तापक्रमलाई मानिएको छ । 

जलवायु परिवर्तनबाट नकारात्मक असर पर्न नदिन त माओवादी पार्टीले यता आएर थप जिम्मेवारी नै लिएको छ । यस निम्ति उसले नेपालभित्र कार्बन उत्सर्जन कम होस् भन्नका खातिर कुनै पनि उद्योग राम्रोसँग चल्न दिन छाडेको छ । धुवाँ फ्याक्ने यातायातका साधनको आवागमन बेलाबेलामा ठप्प पारेर पनि कार्बन उत्सर्जन घटाउन योगदान पुर्‍याइरहेको छ ।

(तीतोमीठोबाट)
वर्ष ५, अंक १९, २०६६, पुस २७–माघ ३

प्रतिक्रिया [0]
प्रतिक्रिया दिनुहोस्