ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

विज्ञ समूहले बुझायो प्रतिवेदन 

२०७६ चैत, २३  
प्रदेश ०२
NA


जनकपुरधाम (अस) । कोरोना भाइरसको महामारी नियन्त्रणका लागि सुझाव दिन प्रदेश २ सरकारद्वारा गठित विज्ञ समूहले आफ्नो प्रतिवेदन सरकारलाई बुझाएको छ । विज्ञ समूहका प्रतिनिधिहरूले सरकारलाई बुझाएको प्रतिवेदनमा चिकित्सकीय सामग्रीको प्रयोगदेखि सामग्रीको उपलब्धता, कोरोना संक्रमितको उपचारमा संलग्न हुने चिकित्सकको सुरक्षा, प्रोत्साहन भत्ता, विशेष अस्पतालको निर्माण लगायत विषयवस्तु समेटिएका छन् ।

विज्ञ समूहले उपचारमा आवश्यक थप सामग्री, सामान्य बिरामीको जाँचमा अपनाइने उपाय समेत समेटेर प्रतिवेदन तयार पारेको छ । विज्ञ समूहको प्रतिवेदन बुझ्दै मुख्यमन्त्री लालबाबु राउतले प्रतिवेदनमा समेटिएका सुझाव शतप्रतिशत कार्यान्वयन गरिने प्रतिबद्धता व्यक्त गरेका छन् । विज्ञ समूहले बुझाएको प्रतिवेदनमा पीपीई, मास्क र पञ्जाको प्रयोगबारे स्पष्ट व्यवस्था गरिएको छ । सर्वसाधारणलाई कपडाको मास्क, सामान्य बिरामीको जाँचमा सहभागी हुनेलाई पञ्जा र सर्जिकल मास्कका साथै कोरोनाको विशेष उपचारमा संलग्न हुनेहरूलाई एन ९५ मास्क तथा पीपीई प्रयोग गर्न उनले सुझाएका छन् ।

प्रतिक्रिया [0]
प्रतिक्रिया दिनुहोस्