ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

भारतले लगायो मलेरियाको औषधि र कोरोना किट निकासीमा रोक

२०७६ चैत, २३  
समाचार
NA
author avatar अभियान संवाददाता

वीरगञ्ज । भारतले कोरोना भाइरस (कोभिड–१९) को उपचारमा प्रयोग हुने औषधि र उपचार सामग्रीको निर्यातमा थप प्रतिबन्ध लगाएको छ । भारतको वैदेशिक व्यापार महानिर्देशनालयले शनिवारदेखि कोरोना परीक्षण किट र हाइड्रोक्सिक्लोरोक्वीनको निकासी निषेध गरेको हो । 

महानिर्देशनालयले आफ्नो वेबसाइटमा राखेको सूचनामा यो प्रतिबन्ध तत्काल कार्यान्वयन हुने उल्लेख गरेको छ । भारतले पछिल्लोपटक निकासी रोकेको यो औषधि मलेरियाको उपचारमा प्रयोग हुन्छ । भारतले निर्यात रोके पनि नेपालमा तत्काल औषधिको अभाव भने नहुने स्वदेशी उद्यमीहरूले बताएका छन् । १ महीनाअघि उद्यमीले ६ महीनासम्म पुग्ने औषधि र कच्चा पदार्थ रहेको दाबी गरेका थिए । मौज्दातमा रहेको औषधि र कच्चा पदार्थले अबको कम्तीमा ३ महीनाको आवश्यकता धान्ने एक उद्यमीले बताए । 

अहिले पनि स्वदेशका अधिकांश औषधि उद्योग मौज्दात कच्चा पदार्थको भरमा चलेको क्वेस्ट फर्मास्युटिकल्सका सञ्चालक पृथ्वीराज राजभण्डारीले बताए । ‘भारतमा जारी लकडाउनका कारण यसै पनि त्यताबाट कच्चा पदार्थ र औषधि आएको छैन । यहाँका उद्योगले पहिल्यै भिœयाएको कच्चा पदार्थ उपयोग गरिरहेका छन्,’  राजभण्डारीले आर्थिक अभियानलाई बताए  । 

भारतले यसको उपचारमा प्रयोग हुने औषधिको निर्यातमा १ महीना अघिदेखि रोक लगाउँदै आएको छ । निर्देशनालयले पटकपटक सूचना निकालेर यस्ता औषधि र उपचार सामग्रीको सूची थपिरहेको छ । 

शुरूमा सिटामोललगायतका २६ प्रकारका औषधि र कच्चा पदार्थको निर्यात रोकेको भारतले केही दिनअघि मास्क, स्यानिटाइजरलगायतमा रोक लगाएको थियो । 

नेपाली औषधि उत्पादकहरूका अनुसार नेपाली उद्योगले प्रयोग गर्ने औषधिजन्य कच्चा पदार्थ भारतबाटै आयात हुन्छ । एशियन फर्मास्युटिकलका कार्यकारी निर्देशक शंकर घिमिरेका अनुसार भारतबाट आयात गरिने औषधिको कच्चा पदार्थ पनि चीनबाटै आउने गर्छ । ‘त्यसैले भारतबाट आयात रोकियो भने पनि आत्तिहाल्नुपर्ने अवस्था छैन,’ उनले भने, ‘यदि भारतबाट आयात गर्न सकिएन भने चीनबाट सीधै मगाउनुपर्छ । त्यसमा केही अप्ठ्यारो होला तर धेरै गा¥हो नहोला ।’ 

अझै पनि नेपालमा ३ महीनालाई पुग्ने औषधिको स्टक रहेको घिमिरेले बताए । लकडाउन पश्चात् अस्पतालहरूमा बिरामीहरूको संख्यामा समेत कमी आउँदा औषधिको मागमा पनि कमी आएको उनको भनाइ छ ।

प्रतिक्रिया [0]
प्रतिक्रिया दिनुहोस्