ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

भारतसँग सीमा जोडिएका कैलालीका दुई स्थानमा बिओपी स्थापना

२०७६ चैत, २३  
सुदूरपश्चिम प्रदेश
NA

चैत २४, लम्की (कैलाली) । भारतसँग सीमा जोडिएका कैलालीका दुई स्थानमा सशस्त्र प्रहरीको जाँचचौकी (बीओपी) स्थापना गरिएको छ । टीकापुर नगरपालिका वडा नम्बर ८ स्थित श्रीलंकामा र भजनी नगरपालिका वडा नम्बर ३ स्थित कुसुमघाटमा सशस्त्र प्रहरीको अस्थायी जाँचचौकी स्थापना गरिएको बिओपी खक्रौलाका प्रमुख सशस्त्र प्रहरी निरीक्षक चन्द्रदेव भट्टले जानकारी दिए ।

उनका अनुसार दुवै स्थानमा सशस्त्र प्रहरी नायव निरीक्षकको नेतृत्वमा १०/१० जनाको टोली राखिएको छ । ‘नेपाल भारत लुकिछिपी आवतजावत गर्नेलाई नियन्त्रण गर्न सजिलो हुन्छ’, नगर प्रमुख तपेन्द्रबहादुर रावलले भने, ‘सीमा क्षेत्रमा जोखिममा रहेका नागरिकले राहत महसुससमेत गरेका छन् ।’

रावलले सबैलाई लकडाउन पालना गर्न आग्रह गर्दै भारतबाट आउनेहरु संक्रमित हुनसक्ने भएकाले सबै नागरिकलाई सतर्क रहन आग्रह गरे । ‘हामीले ज्यालादारी गर्ने र अति विपन्नका लागि राहतको प्याकेज ल्याइसकेका छौँ ।’ रावलले भने, ‘लकडाउन पालना गर्नुहोस्, हामी नागरिकलाई भोकै मर्न दिने छैनौँ । केही समस्या भए नगरपालिकाको टोल फ्रि नम्बरमा फोन गर्नुहोला ।’ रासस

प्रतिक्रिया [0]
प्रतिक्रिया दिनुहोस्