ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

८०० परिवारलाई राहत बाँड्दै प्यूठान नगरपालिका

२०७६ चैत, २३  
प्रदेश ०५
Image Not Found
author avatar राजेश जीसी

चैत २४, प्यूठान । जिल्लाको प्यूठान नगरपालिकाले खाद्यान्न वितरण शुरू गरेको छ । कोरोना भाइरस रोकथामका लागि नेपाल सरकारले गरेको लकडाउनपछि विपन्न परिवारमा खाद्यान्न संकट हुन थालेकाले राहत सामग्री वितरण गरिएको नगरपालिकाले बताएको छ ।

नगरपालिकाले नगरका १० ओटै वडाका विपन्न परिवारलाई खाद्यान्न वितरण गर्न थालेको प्यूठान नगरपालिकाले बताएको छ । ‘नगरपालिकाका दैनिक ज्याला मजदूरी गर्ने करीब ८०० परिवारलाई राहत वितरण गर्दै छौं,’ नगरपालिकाका प्रमुख अर्जुनकुमार कक्षपतिले भने । उनका अनुसार हालसम्म करीब ५०० परिवारलाई राहत सामग्री सहयोग गरिएको छ ।

नगरपालिकाले परिवारको संख्याको आधारमा चामल, दाल, नुन, तेल लगायतका सामग्री वितरण गरेको छ । नगरपालिकाले कोरोना भाइरसको रोकथाम तथा उपचारका लागि १० लाख रुपैयाँको कोष स्थापना गरेको छ । त्यस्तै नौबहिनी गाउँपालिकाले वडा नं ६ का १८ विपन्न परिवारलाई राहत उपलब्ध गराएको छ भने अन्य वडामा लगत संकलन गरिएको र ज्याला मजदूरी गर्ने केही परिवार छुटेकाले पुनः सूचना जारी गरेको प्रमुख प्रशासकीय अधिकृत थानेश्वर भण्डारीले जानकारी दिए ।

मल्लरानी गाउँपालिकाले पनि विपन्न परिवारलाई राहत वितरण गरेको छ । पालिकाले वडा नं ३ र ४ का ९५ विपन्न परिवारलाई राहत वितरण गरेको अध्यक्ष अमरध्वज रानाले बताए । 

प्रतिक्रिया [0]
प्रतिक्रिया दिनुहोस्