ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

चिडियाघरको बाघलाई कोरोना भाइरसको संक्रमण

२०७६ चैत, २३  
अन्तरराष्ट्रिय
Image Not Found

चैत २४, न्यूयोर्क (अमेरिका) । अमेरिकाको चिडियाघरमा रहेको बाघमा कोरोना भाइरसको संक्रमण भएको छ । 

न्यूयोर्क सिटीको ब्रोङ्स चिडियाघरमा रहेको एक बाघमा भाइरस परीक्षण गर्दा सकारात्मक नतिजा आएको चिडियाघरका प्रमुख पशु डाक्टरले आइतवार बताएका हुन् । मानिसबाट जनावरमा संक्रमण सरेको थाहा हुन आएको यो पहिलो उदाहरण हो ।

सुक्खा खोकी लागेपछि नादिया नामक ४ वर्षे मलाय बाघमा कोभिड–१९ रोगको परीक्षण गरिएको थियो । यसक्रममा उसको एक्स–रे, अल्ट्रासाउन्ड र रक्त परीक्षण गरिएको थियो । 

चिडियाघरमा रहेको अन्य तीन ओटा बाघ र सिंहलाई पनि सुक्खा खोकीको समस्या देखिएको चिडियाघर व्यवस्थापक वाइल्डलाइफ कन्जर्भेशन सोसाइटीले एक विज्ञप्तिमा भनेको छ । 

कुन कर्मचारीबाट बाघमा संक्रमण सरेको हो भन्न चाँहि थाहा नभएको बताइएको छ । अरु बाघ र सिंहमा पनि लक्षण देखिएको भएपनि नादिया भने सबैभन्दा बिरामी रहेको र उसको भोक हराउँदै गएकोले उसको परीक्षण गरिएको विज्ञप्तिमा उल्लेख छ । 

अरुमा भने गम्भीर समस्या नदेखिएको बताइएको छ । हङकङमा पनि केही जनावरमा कोरोना भाइरसको परीक्षण सकारात्मक देखिएको थियो । तर तिनीहरुमा मानिसबाट संक्रमण सरेको भन्ने चाँहि पूष्टि भएको छैन । अमेरिकामा विश्वमै सबैभन्दा धेरै कोरोना भाइरस संक्रमण छ । 

त्यहाँ पनि न्यूयोर्कमा संक्रमण सबैभन्दा धेरै छ । आइतवारसम्ममा त्यहाँ संक्रमितको संख्या १ लाख २२ हजार नाघेको छ भने मर्नेको संख्या पनि ४ हजार माथि छ । एजेन्सी 

प्रतिक्रिया [0]
प्रतिक्रिया दिनुहोस्