ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

प्याराग्लाइडिङ वर्ल्डकप ‘एशियन टुर’ पोखरामा 

२०७६ माघ, २  
प्रदेश गण्डकी
NA


कास्की । आगामी फागुन ११ देखि १७ (फेब्रुअरी २३ देखी २९) गतेसम्म पोखरामा प्याराग्लाइडिङ वर्ल्ड कप एशियन टुर तथा १९औं नेपाल ओपन प्याराग्लाइडिङ च्याम्पियनशिप हुने भएको छ । नेपाल हवाई खेलकूद संस्था (ना) र नेपाल प्याराग्लाइडिङ तथा ह्यान्डग्लाइडिङ संघको आयोजना तथा प्याराग्लाइडिङको अन्तरराष्ट्रिय छाता संस्था फेडेरेशन एरोनेटिक इन्टरनेशनल (एफएआई)को सहकार्यमा आयोजना हुने सो टुरमा विभिन्न ३० देशका १२५ खेलाडी सहभागी हुने बताइएको छ । 

एशियाका प्याराग्लाइडिङ खेलाडीलाई विश्वकपको सुपर फाइनलसम्म प्रवेशका लागि सन् २०२० मा तीनओटा टुर आयोजना गर्ने योजनाअनुसार पोखरामा पहिलो टुर हुन लागेको नेपाल हवाई खेलकूद संस्थाका निवर्तमान अध्यक्ष एवम् टुर संयोजक योगेश भट्टराईले जानकारी दिए । बाँकी दुईओटा टुर भने मागका आधारमा एशियाका अन्य दुई देशमा गरिनेछ । हाल विश्वकपमा ऐशियाली खेलाडीको संख्या कम भइरहेको अवस्थामा यस टुरले उनीहरूको संख्या बढाउन मद्दत पुग्ने बताइएको छ । ‘पोइन्ट’ र ‘¥यांकिङ’का आधारमा एशियामा हुने तीनओटा टुरबाट शीर्ष स्थानमा रहने पाँचदेखि आठ जनासम्म खेलाडीले सन् २०२१ मा हुने विश्वकपको सुपर फाइनलमा प्रवेश पाउने उनले जानकारी दिए । सुपर फाइनलमा पुग्ने खेलाडीको संख्या भने वल्र्डकप कमिटीले तय गर्नेछ । प्रतियोगिताबाट साहसिक खेल प्याराग्लाइडिङको माध्यमबाट राष्ट्रिय तथा अन्तरराष्ट्रिय क्षेत्रमा नेपालको प्रवद्र्धन हुने भएकाले भ्रमण वर्ष २०२० लाई सफल बनाउन सहयोग पुग्ने विश्वास लिइएको छ । रासस

प्रतिक्रिया [0]
प्रतिक्रिया दिनुहोस्