ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

गोदावरी नगरपालिकाले राहत वितरणमा विभेद गरेको स्थानीयको आरोप

२०७६ चैत, २५  
सुदूरपश्चिम प्रदेश
NA
author avatar वीरेन्द्र भट्ट

चैत २६, धनगढी । कैलालीको गोदावरी नगरपालिका कार्यालयले वितरण गर्दै आएको राहत सामग्री विपन्नभन्दा सम्पन्न वर्गले पाएको स्थानीयको गुनासो आएको छ । गोदावरी नगरपालिका वडा नं १ भरतपुर टोलका अधिकांश परिवारले आफूहरूले राहत नपाएको बताएका छन् ।

घर बनाएर भाडामा लगाउने घरधनीले राहत पाएको, तर कोठा भाडामा बस्ने मजदूरले नपाएको भरतपुर टोलका बासिन्दाले गुनासो गरेका छन् । आफूहरूलाई राहत वितरणमा विभेद गरेको भन्दै नगरपालिकालाई निवेदन दिए पनि कुनै सुनुवाइ नभएको भन्दै उनीहरूले कार्यालय घेराउको योजना बनाएका छन् । ‘राहत बोकेको गाडी टोलीभित्र ल्याइयो, तर हामीहरूलाई राहत वितरण नगरी फर्कियो,’ स्थानीय शान्ति भट्टले भनिन् ।

गोदावरी नगरपालिकाको वडा १ भरतपुरमा राहत नपाएको गुनासो आएको बताउँदै प्रमुख प्रशासकीय अधिकृत खेमराज विष्टले लगत संकलन गर्ने प्रतिनिधिको कमजोरीका कारण समस्या भएको स्वीकारे । वडाध्यक्ष शर्मानन्द भट्टले विपन्न वर्ग पहिचान गरेर राहत वितरण गर्ने बताए पनि अहिलेसम्म सुनुवाइ नभएको गुनासो टोलीवासीले गरेका छन् ।
 

प्रतिक्रिया [0]
प्रतिक्रिया दिनुहोस्