arthik abhiyan
ad banner Mango Tech Digital Marketing Solution

बेलायती मुद्रास्फीति ३ वर्षकै न्यून स्तरमा 

२०७६ माघ, २  
अन्तरराष्ट्रिय
Image Not Found

माघ २, लन्डन (बेलायत) । गत महीना बेलायतको मुद्रास्फीति तीन वर्षकै न्यून स्तरमा ओर्लिएको छ । त्यहाँको राष्ट्रिय तथ्याङ्क कार्यालय ‘ओएनएस’ले बुधवार बताएअनुसार डिसेम्बरमा उपभोक्ता मूल्य सूचक (सीपीआई) दर १ दशमलव ३ प्रतिशतमा झरेको छ । नोभेम्बरमा यो दर १ दशमलव ५ प्रतिशत थियो । लत्ताकपडाको मूल्य र होटलको भाडामा आएको कमीले मुद्रास्फीति घटाएको हो । 

ब्याजदर काट्ने कि नकाट्ने भनेर बेलायती केन्द्रीय बैंक (बीओई)ले विचार गरिरहेकै बेलामा मुद्रास्फीति सुस्ताएको छ । अर्थतन्त्रको अवस्था हेरेर ब्याजदर कटौती गर्नु पर्ने पछिल्लो समय बैंकको ब्याजदर निर्धारण समीतिका सदस्यहरुले बताइरहेका छन् । मुद्रास्फीति बीओईको २ प्रतिशतको लक्षित विन्दुभन्दा तल झर्ने क्रम जारी रहेकोले जोखिम कम गर्न ब्याजदर थप घटाउनु पर्ने बुधवार बीओईका मौद्रिक नीति समितिका सदस्य माइकल सन्डर्सले बताएका थिए । एजेन्सी
 

प्रतिक्रिया [0]
प्रतिक्रिया दिनुहोस्