arthik abhiyan
ad banner Mango Tech Digital Marketing Solution

बीआरआईमा आबद्ध मुलुकसँगको चीनको व्यापार बढ्यो

२०७६ माघ, २  
अन्तरराष्ट्रिय
Image Not Found

माघ २, पेचिङ (चीन) । चिनियाँ महत्वकाँक्षीयोजना बेल्ट एन्ड रोड इनिशिएटिभ (बीआरआई)मा आबद्ध मुलुकसँगको चीनको व्यापारमा सन् २०१९ मा उल्लेख्य वृद्धि भएको छ । 

चीनको भन्सार विभागले मंगलवार दिएको जानकारीअनुसार गत वर्ष बीआरआईमा आबद्ध भएका मुलुकसँगको चीनको व्यापार १० दशमलव ८ प्रतिशत बढेको हो । समग्रमा यो वर्ष उक्त मुलुकहरूसँगको चीनको व्यापार १३ खर्ब ४० अर्ब डलर पुगेको छ । 

यससँगै समग्र वर्षमा चीनको वैदेशिक व्यापार पनि ७ दशमलव ४ प्रतिशत अंकले बढेको छ । 

सन् २०१४ देखि २०१९ को बीचमा चीनको बीआरआईसँग जोडिएका मुलुकसँगको व्यापार वार्षिक ६ दशमलव १ प्रतिशत बढेको छ । 

चिनियाँ भन्सार विभागका अनुसार चीन अहिले बीआरआईमा जोडिएका २५ मुलुकको सबैभन्दा धेरै व्यापार हुने मुलुक बन्न सफल भएको छ । 

चिनियाँ भन्सार विभागका उपमन्त्री चोउ चिवुले पछिल्लो समय चीनको बीआरआईका मुलुकहरू र अफ्रिका तथा ल्याटिन अमेरिकाजस्ता उदीयमान अर्थतन्त्रसँग व्यापार बढिरहेको बताएका छन् । एजेन्सी

प्रतिक्रिया [0]
प्रतिक्रिया दिनुहोस्