ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

घट्यो अर्बपतिको संख्या : ५१ प्रतिशतको सम्पत्ति गत वर्षभन्दा कम

२०७६ चैत, २५  
अन्तरराष्ट्रिय
Image Not Found

चैत २६, वाशिङटन डीसी (अमेरिका) । गत वर्षको तुलनामा यस वर्ष विश्वमा अर्बपतिको संख्या घटेको छ । अमेरिकी व्यवसायिक पत्रिका फोर्ब्सले सार्वजनिक गरेको यस वर्षको अर्बपतिहरुको सूचीले यस्तो देखाएको हो । कोरोना भाइरसको महामारीका कारण यस वर्ष अर्बपतिको संख्या र उनीहरुको सम्पत्ति दुवै घटेको हो । 

फोर्ब्सको नयाँ सूचीमा २ हजार ९५ जना अर्बपति रहेका छन् । गत वर्षको तुलनामा यो ५८ जना कम हो । १२ दिन अघिको तुलनामा भने यो २२६ जना कम भएको बताइएको छ । अर्बपतिका रुपमा रहिरहेका मध्ये पनि ५१ प्रतिशतको भने सम्पत्ति गत वर्षको भन्दा कम रहेको सूचीले देखाएको छ । सूचीमा समाविष्ट कुल अर्बपतिहरुको सम्पत्ति ८० खर्ब डलर रहेको छ । यो गत वर्षको तुलनामा ७ खर्ब डलर कम हो । 

सूचीअनुसार अमेरिकी अनलाइन खुद्रा कम्पनी एमाजनका संस्थापक जेफ बेजोस लगातार तेस्रो वर्ष पनि विश्वको सबैभन्दा धनी व्यक्तिका रुपमा रहेका छन् । सूचीअनुसार उनको नेटवर्थ १ खर्ब १३ अर्ब डलर रहेको छ । गत वर्ष पूर्व पत्नी म्याकिन्जे बेजोसलाई ३६ अर्ब डलर बराबरको एमाजनको शेयर दिँदा पनि सूचीमा उनको वचश्र्व यथावत् रहेको हो । समीक्षा अवधिमा एमाजनको शेयर मूल्य १५ प्रतिशतले बढेको छ ।  

दोस्रो स्थानमा माइक्रोसफट कर्पोरेशनका सह–संस्थापक बिल गेट्स रहेका छन् । उनको नेटवर्थ ९८ अर्ब डलर रहेको छ । तेस्रो धनीमा फ्रान्सेली व्यापारी बर्नाड आर्नल्ट छन् । चौथौं देखि १० औं स्थानमा भने क्रमशः वारेन बफेट, ल्यारी इलिसन, अमान्सियो अर्टेगा, मार्क जुकरबर्ग, जिम वाल्टन, एलिस वाल्टन र रब वाल्टन छन् । 

चिनियाँ धनाढ्य ज्याक मा ३८ अर्ब डलर नेटवर्थसहित सूचीको १७ औं स्थानमा छन् । भारतीय व्यापारी मुकेश अम्बानी भने ३६ अर्ब डलर नेटवर्थसहित सूचीको २१ औं स्थानमा रहेका छन् । 

यस वर्षको सूचीमा सर्वाधिक सम्पत्ति जोड्नेमा चिनियाँ खाद्य व्यापारी छिन ङिलिन छन् । समीक्षा अवधिमा उनको सम्पत्ति १४ अर्ब २० करोड डलर थपिएको छ । गत वर्षको सूचीमा पर्न सफल २६७ जना यसपटकको सूचीबाट बाहिरिएका छन् । 

यी मध्ये एक जना विवर्कका आडम न्यूमन हुन् । अरु २१ जनाको भने मृत्यु भएको छ । विश्वका २० देशबाट १७८ जना सूचीमा थपिएका छन् । यी मध्ये केही जूम भिडियो कम्युनिकेशन्सका संस्थापक तथा सीईओ एरिक युआन पनि छन् । सूचीमा सबैभन्दा धेरै अर्बपति अमेरिका र चीनका छन् । अमेरिकाका ६१४ जना अर्बपति सूचीमा छन् भने चीनबाट ४५६ जना परेका छन् । 

फोर्ब्सकोको  सूचीमा पर्न सफल नेपालका एक मात्र अर्बपति विनोद चौधरी सूचिको १ हजार ५१३ स्थानमा छन् । फोर्ब्सका अनुसार उनको नेटवर्थ १ अर्ब ४० करोड डलर रहेको छ । एजेन्सी

 

प्रतिक्रिया [0]
प्रतिक्रिया दिनुहोस्