ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

थर्मल गनसहित पक्राउ परेका अग्रवाललाई ७ दिन हिरासतमा राख्न अनुमति 

२०७६ चैत, २५  
समाचार
Image Not Found
फाइल फोटो
author avatar अभियान संवाददाता

चैत २६, काठमाडौं । स्वास्थ्य सामग्री कालोबजारी गरेको आरोपमा पक्राउ परेका शंकर समुहका सञ्चालक सुलभ अग्रवाललाई ७ दिन हिरासतमा राखिने भएको छ ।

जिल्ला प्रशासन कार्यालय काठमाडौंले ७ दिनसम्म हिरासतमा राखेर उनीमाथि लगाइएको आरोपबारे अनुसन्धान गर्न महानगरीय प्रहरी अपराध महाशाखालाई अनुमति दिएको हो । 

ज्वरो नाप्ने थर्मल गन बढी मुल्यमा विक्री  गरेको आरोपमा प्रहरीले मंगलवार उनलाई  पक्राउ गरेको थियो । महाशाखाको विशेष टोलिले काठमाडौंको बालुवाटारबाट गरेको अग्रवालमाथि कालोबारी ऐन अन्तरगत मुद्दा अगाडि बढाइएको महाशाखाको भनाइ छ । महाशाखाका प्रमुख सहकुल थापाले उनीमाथि अनुसन्धान गर्ने काम भइरहेको बताए ।

उनले भने, ‘अहिले अग्रवालमाथि सोधपुछ गर्ने काम भइरहेको छ, रंगेहात प्रक्राउ गरेपछि आरोप अस्वीकार गर्ने कुरा आएन, यद्यपि हामीले यस बिषयमा विस्तृत रुपमा अनुसन्धान गर्दैछौं ।’

प्रहरीकाअनुसार अग्रवालले चीनबाट गत शनिवार ज्वरो नाप्ने थर्मल गन आयात गरी महंगोमा विक्री गरेका थिए । सामान्यतया रू.३ हजार ५०० पर्ने थर्मल गनलाई अग्रवालले रू.१५ हजारसम्ममा विक्री गरेको प्रहरीको भनाइ छ ।

प्रहरीले उनीबाट ६७ थान थर्मल गन बरामद गरेको छ । तर अग्रवालले चीनबाट २० हजार थान थर्मल गन ल्याएको प्रहरीको दावी छ । अन्य थर्मल गनको बिषयमा भने खोजी कार्य भइरहेको प्रहरीको भनाइ छ । 

नेपालका लागि कीर्गिस्तानका अवैतनिक महावाणिज्यदूत समेत हुन् । नेपाल उद्योग परिसंघका उपाध्यक्ष समेत रहेका अग्रवालको पक्राउका बारेमा परिसंघले आफ्नो आधिकारीक धारणा भने अहिलेसम्म सार्वजनिक गरेको छैन । 
 

प्रतिक्रिया [0]
प्रतिक्रिया दिनुहोस्