ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

कृषिमा ध्यान देऊ

२०७६ चैत, २७  
सम्पादकीय
NA


अण्डा र मासुको विक्री कम भएपछि कुखुरा व्यवसायीले खाल्डो खनेर पुर्न बाध्य भएका छन् । सरकारले कृषि उत्पादन, वितरणका लागि सहजीकरण गर्ने भने पनि ढुवानी सहज बनेको छैन । मुलुक लकडाउनमा जा“दा कुखरा उत्पादनमा मात्र होइन, अन्य कृषि उत्पादनमा पनि यस्तै समस्या रहेको छ ।

खाद्यवस्तु अत्यावश्यक भएकाले यसको उत्पादन, वितरण र विक्रीमा असर पर्‍यो भने त्यसले बहुपक्षीय प्रभाव पार्छ । त्यसैले सरकारले कृषिक्षेत्रका समस्या सम्बोधन गर्न विशेष ध्यान दिनैपर्ने हुन्छ ।

ह्याचरी व्यवसायीले दैनिक साढे तीन लाख चल्ला नष्ट गर्नुपरेको छ, जसका कारण दैनिक साढे ३ करोड घाटा भइरहेको छ । समग्रमा पोल्ट्री व्यवसायले अहिले दैनिक २२ करोड रुपैयाँ क्षति बेहोरिरहेको व्यवसायीको भनाइ छ ।

कोरोना संक्रमणबाट नागरिकलाई जोगाउन सामाजिक दूरी कायम गर्न लकडाउनको विकल्प देखि“दैन । यस्तोमा अत्यावश्यक उपभोग्य वस्तुको आपूर्ति सुचारू गर्न सरकारले यथासम्भव प्रयास गरिरहेको छ । तर, सरकारी प्रयासमा समन्वय नहु“दा एकातिर पोल्ट्री व्यवसायले घाटा बेहोर्नु परिरहेको छ भने अर्कातिर उपभोक्ताले यी वस्तु किन्दा पनि समस्या परिरहेको छ । त्यसो त पोल्ट्री व्यवसायका लागि आवश्यक कच्चा पदार्थको आपूर्तिमा समेत समस्या देखिन्छ ।

दुग्ध व्यवसायमा समेत लकडाउनले असर पारेको छ । दूध विक्री ८० प्रतिशत घटेको छ । बजारमा तरकारीको आपूर्ति कम छ भने किसानको तरकारी नबिकेर समस्या छ । चितवनका किसानले तरकारी बारीमा ट्र्याक्टर नै चलाएका छन् । त्यस्तै अहिले केरा उत्पादनको समय छ तर उत्पादन विक्री हुन नसक्दा त्यसलाई फाल्न उनीहरू बाध्य छन् । कृषि उत्पादन ज्यादै चा“डो बिग्रने हुन्छ, जसलाई भण्डारण गरेर राख्न गाह्रो हुन्छ । त्यसो हु“दा यिनीहरूलाई बजारमा पुर्‍याउने व्यवस्था हुनैपर्छ । सरकारले निर्णय गरेर मात्रै पुग्दैन, त्यसका कार्यान्वयनका व्यावहारिक पक्षमा पनि ध्यान पुग्नु जरुरी छ ।

नेपालको अर्थतन्त्रमा कृषिको योगदान निकै बढी छ । त्यस्तै कृषिमा निर्भर जनसंख्याको अंश निकै ठूलो छ । त्यसो हु“दा कृषि उत्पादन घट्नु अथवा कृषि उत्पादन विक्री नहुने अवस्था आउनु मुलुकको अर्थतन्त्रका लागि निकै नकारात्मक हो । 

सरकारको ध्यान कोरोना संक्रमण फैलन नदिन तथा उपचार गर्न केन्द्रित छ । अहिले लकडाउनका कारण नागरिकको दैनिकीमा असर नपुगोस् भन्नेमा सरकार लागिपरेको छ । त्यसो हुँदा लकडाउनबाट परेको असरबारे अध्ययन गर्न र तिनलाई सम्बोधन गर्न सरकारले प्रयास गरे पनि प्रभावकारी भने हुन नसकेको देखिन्छ ।

कृषि उत्पादन बढाउन मल आवश्यक हुन्छ । मकैमा दाना लाग्ने बेलामा मल नपाएर कृषक चिन्तित छन् । चैते धानका लागि पनि मल आवश्यक पर्छ । सरकारी निकायमा मल भएर पनि किसानले पाउन सकेका छैनन् । हो, मुलुक असामान्य अवस्थामा छ । त्यसो हुँदा अन्य क्षेत्रमा जस्तै कृषिक्षेत्रमा पनि समस्या पर्नु अस्वाभाविक होइन ।

लकडाउनमा अन्य क्षेत्र बन्द हुँदा त्यति असर नपर्न सक्छ । खाद्यवस्तु अत्यावश्यक भएकाले यसको उत्पादन, वितरण र विक्रीमा असर पर्‍यो भने त्यसले बहुपक्षीय प्रभाव पार्छ । त्यसैले सरकारले कृषिक्षेत्रका समस्या सम्बोधन गर्न विशेष ध्यान दिनैपर्ने हुन्छ । हुन त उद्योगी व्यवसायीको समस्या सम्बोधन गर्न सरकारले आर्थिक प्याकेज ल्याउने तयारी गरिरहेको छ । त्यसमा कृषिक्षेत्रलाई सम्बोधन गर्न आवश्यक हुन्छ । तर, सरकारले कृषिक्षेत्रलाई कति प्राथमिकता दिन्छ त्यसैले कृषि र अर्थतन्त्रमा सकारात्मक प्रभाव पर्नेछ ।

प्रतिक्रिया [0]
प्रतिक्रिया दिनुहोस्