ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

भारतमा बजेटपूर्व ‘हलुवा समारोह’ !

२०७६ माघ, ५  
र यो पनि
Image Not Found
गत जुनमा पूर्ण बजेट ल्याउनुअघिको हलुवा समारोहको तस्वीर

भारतमा प्रत्येक वर्ष बजेट भाषणभन्दा केही दिनअघि ‘हलुवा समारोह’को आयोजना हुन्छ । ‘हलुवा समारोह’ सुन्ने बित्तिकै धेरैको मनमा हलुवा बनाएर खाइने कुनै कार्यक्रम होला भन्ने लाग्न सक्छ । हो, यो यस्तै कार्यक्रम हो ।

हरेक वर्ष बजेट सार्वजनिक गर्ने केही दिनअघि अर्थमन्त्रीले यो समारोहको आयोजना गर्छन् । यससँगै बजेटसँग सम्बन्धित कागज पत्रहरू छाप्ने प्रक्रिया सुरू हुन्छ । फेब्रुअरी १ मा भारतले बजेट ल्याउने तयारी गरिरहेको छ । यस वर्षको हलुवा समारोहको तयारी भने अर्थमन्त्री निर्मला सीतारमणले सोमवार गर्दै छिन् ।

समारोहमा एउटा ठूलो भाँडोमा हलुवा बनाइन्छ । अनि अर्थ मन्त्रालयका कर्मचारीलाई खुवाइन्छ । यसपछि मात्रै बजेटको आधिकारिक काम शुरू हुन्छ । अर्थ मन्त्रालयले यसलाई परम्परा नै बनाएको छ । यो समारोह सकिए पछि मात्रै बजेटको काम शुरू हुन्छ ।

बजेट बनाउने प्रक्रियामा सहभागी कर्मचारीहरू सचिवालय भवनको नर्थ ब्लकको बेसमेन्ट तल्लामा करीब १० दिन सम्म गुप्तवास बस्छन् । संसद्मा अर्थमन्त्रीले बजेट पेश गरेपछि मात्रै उनीहरू बाहिर निस्कन्छन् । बजेट सार्वजनिक हुनु अघि बजेट नचुहियोस् भन्नेर यस्तो गरिन्छ । एजेन्सी

प्रतिक्रिया [0]
प्रतिक्रिया दिनुहोस्