ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

औद्योगिक ग्राम सञ्चालनमा ल्याइँदै 

२०७६ माघ, ६  
प्रदेश गण्डकी
NA


वालिङ (अस) । वालिङ नगरपालिका–१० बैंडीमा औद्योगिक ग्राम सञ्चालन गरिने भएको छ । औद्योगिक ग्राम सञ्चालन गर्न उद्योग वाणिज्य तथा आपूर्ति मन्त्रालयले रू. ९२ लाख, गण्डकी प्रदेश सरकारले रू. ६० लाख र बाँकी नगरपालिकाको लगानीमा औद्योगिक ग्राम सञ्चालन गरिने नगरप्रमुख दिलीपप्रताप खाँणले बताए ।

नगर कार्यपालिकाको बैठकबाट वालिङभित्रका वडा नं १० बंैडी, वडा नं १ बौवा, वडा न. ११ पञ्चमूल, वडा नं १२ को धनमुढा, वडा नं १३ को बाह्रविसे र वडा नं १४ को तिवारी पसल गरी पाँच स्थानमा औद्योगिक ग्राम सञ्चालनका लागि जग्गा छनोट गरिसकिएको नगरप्रमुख खाँणले जानकारी दिए । ‘औद्योगिक ग्राम सञ्चालन गर्न पहिलो चरणमा वडा नं १० बैंडीमा रहेको जग्गा छनोट गरिसकेका छौं,’ उनले भने, ‘बैंडीमा रहेको ९२ रोपनी क्षेत्रफलमा औद्योगिक ग्राम सञ्चालनका लागि तयारी शुरू गर्छौं ।’ 

पहिलो चरणमा बैंडीलाई औद्योगिक ग्रामका रूपमा विकास गरेपछि आगामी वर्षहरूमा बाँकी रहेका अन्य स्थानमा पनि सञ्चालनको तयारी गर्ने नगरपालिकाको लक्ष्य रहेको नगरप्रमुख खाँणको भनाइ छ । रासस

प्रतिक्रिया [0]
प्रतिक्रिया दिनुहोस्