ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

क्यानाडाले ल्यायो दोस्रो विश्वयुद्धपछि कै ठूलो आर्थिक प्याकेज 

२०७६ चैत, २९  
अन्तरराष्ट्रिय
Image Not Found

चैत ३०, मन्ट्रियल (क्यानाडा) । क्यानाडाको संसदले शनिवार दोस्रो विश्वयुद्धपछि देशको सबैभन्दा ठूलो आर्थिक उपायका रुपमा एक ज्याला (वेतन) अनुदान कार्यक्रम पारित गरेको छ ।

व्यवसाय र उनीहरूका कामदारलाई कोरोना भाइरस संकटबाट जोगिन उक्त कार्यक्रमले मद्दत गर्ने क्यानाडा सरकारले विश्वास गरेको छ । क्यानाडाको संसद हाल स्थगित छ, तर इस्टर सप्ताहन्तको मध्यमा बसेको संसदको असाधारण सत्रले करीब ७५ अर्ब अमेरिकी डलरको कार्यक्रम स्वीकृत गरेको छ ।

कर्मचारी कटौतीको समस्या समाधान गर्न कम्पनीमा कार्यरत कर्मचारीको तलबको ७५ प्रतिशत रकम सरकारले व्यहोर्नेछ । प्रधानमन्त्री जस्टिन टुर्डो उक्त कार्यक्रम पारित गर्ने संसद अधिवेशनमा सहभागि थिए । आफ्नी पत्नीलाई कोरोना संक्रमण देखिएपछि प्रधानमन्त्री जस्टिन एक महीनाका लागि घरमा नै एकान्तबासमा थिए ।
     
प्रधानमन्त्री जस्टिनले कोरोना महामारीका कारण ‘फ्रन्टलाइन’ जताततै देखिएको बताएका छन् । उनले भने, ‘अहिले यो फ्रन्टलाइन हाम्रो घरमा, हाम्रा अस्पतालहरूमा र सेवा केन्द्रहरूमा, हाम्रा किराना पसलहरूमा र औषधि पसलहरुमा, हाम्रा यातायातका साधन रोक्ने ठाउँहरुमा र ग्यास स्टेशनहरूमा छ ।’    
     
‘यी स्थानहरूमा काम गर्ने मानिसहरू हाम्रो आधुनिक दिनका नायकहरू हुन्’, उनले भने ।कोरोना संकट उत्पन्न भएयता यो दोस्रो आर्थिक सहयोग विधेयक हो । पछिल्लो विधेयकको मुख्य उद्देश्य नै ‘क्यानाडालीहरुलाई आफ्नो जागिर जोगाइ राख्न र तलब पाउने सुनिश्चित गराउनु हो’, प्रधानमन्त्रीले भने, ‘यो दोस्रो विश्वयुद्धपछि क्यानाडाको सबैभन्दा ठूलो आर्थिक प्याकेज हो ।’    
     
अर्थमन्त्री बिल मोरेनोले यो तलबी आर्थिक प्याकेज तीन महीनाका लागि रहेको बताए । क्यानाडामा गत महीना १० लाखभन्दा बढी रोजगारी गुमेको थियो ।     
     
क्यानाडामा शनिवारसम्ममा २३ हजार १९७ जना कोरोना संक्रमित रहनुका साथै ६७८ जनाको ज्यान गएको छ । रासस/ एएफपी

प्रतिक्रिया [0]
प्रतिक्रिया दिनुहोस्