ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

रोह सामसङको मोबाइल एकाइका नयाँ प्रमुख 

२०७६ माघ, ६  
अन्तरराष्ट्रिय
Image Not Found

माघ ६, सोल (दक्षिण कोरिया) । दक्षिण कोरियाली स्मार्टफोन निर्माता कम्पनी सामसङ इलेक्ट्रोनिक्सले स्मार्टफोन एकाइमा नयाँ प्रमुख नियुक्त गरेको छ । 

प्रमुख हातेफोन बजारमा चिनियाँ स्मार्टफोन निर्माता कम्पनी हुवावेई टेक्नोलोजिजलगायत प्रतिद्वन्द्वीहरुबाट बढ्दो चुनौतीको सामना गर्न कम्पनीले यस्तो कदम चालेको हो । 

कम्पनीले ५१ वर्षिय रोह टेई–मुनलाई मोबाइल विभागको प्रमुख बनाएको छ । उनी विगत १२ वर्ष यताका मोबाइल एकाईका तेस्रो सीईओ हुन् । उनले सह–सीईओ डीजे कोहलाई विस्थापित गर्नेछन् ।

सामसुङको सूचना प्रविधि र मोबाइल तथा दूरसञ्चार एकाईको नेतृत्व भने कोहमै रहनेछन् ।  रोह सन् १९९७ मा सामसङमा आएका हुन् । 

उनले ग्यालेक्सी उपकरणको लाइन अप विकासमा मद्दत गरेका थिए । रोहको मुख्य लक्ष्य कम्पनीको दोबार्न मिल्ने फोनलाई मूलधारमा ल्याउने र सामसङलाई चीन र भारतीय बजारमा विस्तार गर्नु भएको बताइएको छ । 

रोह लागत कटौती गर्न माहिर छन् । स्मार्टफोन उत्पादनलाई आउटसोर्स गरेर उनले हुवावेई, साओमी र ओप्पो जस्ता चिनियाँ प्रतिद्वन्द्वीसँगको प्रतिस्पर्धात्मक क्षमता सुधारेका थिए ।  

नयाँ प्रविधिका कारण बजारमा देखा पर्ने परिवर्तनको सामना गर्न कम्पनीले यस्तो खालको हेरफेर गरेको बजार अनुसन्धाता संस्था काउन्टरप्वाइन्ट टम काङले भने । एजेन्सी 
 
 

प्रतिक्रिया [0]
प्रतिक्रिया दिनुहोस्