ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

भारतमा ग्रामीण क्षेत्रका केही उद्योगलाई सञ्चालनको अनुमति 

२०७७ बैशाख, ३  
अन्तरराष्ट्रिय
Image Not Found

वैशाख ३, नयाँ दिल्ली (भारत) । भारतले ग्रामीण क्षेत्रका केही उद्योग खुलाउने अनुमति दिने भएको छ । लामो समयदेखिको लकडाउनका कारण करोडौं मानिसको रोजीरोटी गुमेपछि सरकारले अप्रिल २० पछि कृषि, सडक निर्माण र कोरोना भाइरसको संक्रमणबाट एकदम कम प्रभावित दूर्गम स्थानमा काम गर्ने अनुमति दिन लागेको हो । 

गत महीनादेखि लकडाउन जारी भएपनि कोरोना संक्रमितको संख्या निरन्तर बढेपछि मंगलवार प्रधानमन्त्री नरेन्द्र मोदीले महामारीबीच जीवन बचाउन महत्वपूर्ण उपाय भएको भन्दै लकडाउन मे ३ सम्म लम्ब्याएका थिए । आम जनताको कठिनाइ कम गर्न छानिएका केही अतिरिक्त गतिविधि गर्न अनुमति दिइएको छ, यो अप्रिल २० देखि लागू हुनेछ । बुधवार जारी एक विज्ञप्तिमा सरकारले भनेको छ । 

गत महीना लकडाउन शुरु भएदेखि दक्षिण एशियाभर करोडौं मानिसहरु कामबिहिन बनेका छन् । छिमेकी देश पाकिस्तानले पनि भाइरसको संक्रमण रोक्न बन्दाबन्दी २ हप्ता थप गरेको छ । 

यद्यपि, मानिसहरुको जीविकोपार्जन सम्भव बनाउन निर्माण गतिविधि खुलाउने भएको छ । यस अघि भने सरकारले कृषि क्षेत्रमा काम गर्ने अनुमति दिएको थियो । गार्मेन्ट लगायत केही निर्यात उद्योगहरुलाई पनि उत्पादनको अनुमति दिन शुरु गरिएको बताइएको छ । 

कम जोखिम भएका उद्योगमा अन्य क्षेत्रको तुलनामा महामारी कम फैलन अनुमान गरेर सरकारले यस्तो निर्णय गरेको पाकिस्तानी उद्योग मन्त्री हमाद अजहरले बताएका छन् । एजेन्सी
 

प्रतिक्रिया [0]
प्रतिक्रिया दिनुहोस्