ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

घट्यो भारत पाकिस्तानबीचको व्यापार

२०७६ माघ, ९  
अन्तरराष्ट्रिय
Image Not Found

माघ ९, कराँची (पाकिस्तान) । भारत र पाकिस्तानबीचको व्यापार घटेको छ । दुई देशबीच सम्बन्ध तनावपूर्ण रहेकै बेलामा द्विपक्षीय व्यापारमा सोको असर देखिएको हो ।

पाकिस्तानको केन्द्रीय बैंक ‘स्टेट बैंक अफ पाकिस्तान’ (एसबीपी)ले जारी गरेको तथ्यांकअनुसार चालू आर्थिक वर्षको पहिलो अर्धवार्षिक अवधिमा भारततर्फ पाकिस्तानको निर्यात १ करोड ६८ लाख डलर मात्रै रहेको छ । 

गत आवको सोही अवधिमा भने २१ करोड ३० लाख डलर बराबरको निर्यात भएको थियो । 

चालू आवको जुलाई डिसेम्बर अवधिमा भारतबाट कुल २८ करोड ६६ लाख डलरको आयात भएको छ । गत आवको सोही अवधिमा भने आयातको आकार ८६ करोड ५० लाख डलर थियो ।

 योसँगै भारतसँगको व्यापारमा पाकिस्तानलाई २६ करोड ९८ लाख डलर घाटा भएको छ । पाकिस्तानको सबैभन्दा ठूलो व्यापार साझेदार चीनबाट हुने आयात पनि घटेको छ । 

गत वर्षको सोही अवधिमा ५ अर्ब डलर रहेको आयात समीक्षा अवधिमा घटेर ४ अर्ब ८० करोड डलरमा आएको छ । निर्यात भने थोरैले बढेर ९३ करोड ६० लाख डलरमा उक्लिएको तथ्यांक छ । 
चीनसँगको व्यापारमा पनि पाकिस्तानलाई ८६ करोड ४० लाख डलर घाटा भएको छ । दोस्रो ठूलो व्यापार साझेदार संयुक्त अरब इमिरेट्स (यूएई)तर्फको निर्यातमा भने समीक्षा अवधिमा केही सुधार देखिएको छ । 

गत आवको पहिलो अर्धवार्षिक अवधिमा ६३ करोड ८० लाख डलर रहेको निर्यात चालु आवको सोही अवधिमा बढेर ८२ करोड ७० लाख डलरमा पुगेको छ । 
समीक्षा अवधिमा त्यहाँबाट हुने आयात भने १ अर्ब ४० करोड डलरले घटी ३ अर्ब ६० करोड डलरमा झरेको छ । एजेन्सी
 

प्रतिक्रिया [0]
प्रतिक्रिया दिनुहोस्