ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

एशियाभर मास्क र ह्यान्ड स्यानीटाइजरको अभाव चुलियो 

२०७६ माघ, ११  
समाचार
Image Not Found


हङकङ । पछिल्लो समय एशियामा हङकङदेखि जापानसम्मै मास्क र ह्यान्ड स्यानिटाइजरको माग चुलिएको छ । चीनबाट विस्तारै कोरोना भाइरस एशियाका अन्य क्षेत्रमा फैलिन थालेपछि यसबाट बच्न आम मानिसहरुले फेस मास्क, ह्यान्ड स्यानीटाइजर र सर्जिकल ग्लोब्सको प्रयोग गर्ने क्रम बढेको छ । तर माग अनुरुप आपूर्ति हुन नकसेपछि बजारमा यी वस्तुको अभाव चुलिन थालेको हो । घरेलु बजारमा पर्याप्त आपूर्ति सुनिश्चित गर्न ताइवानले आगामी महिनादेखि मास्कको निर्यातमा प्रतिबन्ध लगाएको छ । मकाउले पनि स्थानीय र वैध परिचय पत्र भएका अधिृकत अतिथि कामदारको मास्क खरिद अधिकतम् १० थानमा सीमित गरेको छ । 

पर्सनल केयरसँग सम्बन्धित वस्तु उत्पादक जापानी कम्पनी यूनिचार्म कर्पोरेशनले जनवरी १७ यता चौबिसै घन्टा उत्पादन थालिरहेको छ । अमेरिकी कम्पनी थ्रीएमले पनि उत्पादन बढाइरहेको छ र मागअनुसारको आपूर्ति सुनिश्चित गर्न काम गरिरहेको छ । चिनियाँ मास्क निर्माता कम्पनीहरुले नयाँ वर्षको सार्वजनिक छुट्टिमा समेत काममा फर्किन कर्मचारीहरुलाई आग्रह गरिरहेका छन् । तर विक्रेताहरुले महँगोमा बेच्न लुकाएर राख्न थालेपनि माग झन झनै बढिरहेको छ । 

सोमबार र मंगलबार चिनियाँ अनलाइन कम्पनी अलिबाबाले ८ करोड थान फेस मास्क बेचेको बताइएको छ । अहिले घुम्नका लागि विदेश गएकै बेलामा समेत चिनियाँहरुले ठूलो परिमाणमा मास्क किन्न थालेका छन् । माग बढेसँगै मास्क र ह्यान्ड स्यानीटाइजरको भाउ पनि बढेको छ । चीनमा भाइरसका कारण ४१ जना भन्दा धेरैको मृत्यु भइसकेको छ । भाइरस संक्रमितको संख्या समेत विश्वभर १ हजार ३ सय माथि पुगेको छ । 

यस्तो स्थितिमा नियमित खालका ह्यान्ड वाश, मुहार ढाक्ने वस्तुको प्रयोग बढेको छ । मानिसहरु भिडभाड धेरै हुने ठाउँमा जानै डराउन थालेका छन् । भाइरसको तीव्र संक्रमण रोक्न चिनियाँ अधिकारीहरुले यात्रामा प्रतिबन्ध लगाएको छ भने नयाँ वर्षको उत्सवलाई समेत सीमित पारेको छ । पछिल्लो समय चीनका अन्य शहरमा मात्रै होइन जापान, सिंगापुर, भियतनाम, मकाउ, थाइल्याण्ड, दक्षिण कोरिया, फ्रान्स, अमेरिका लगायत देशमा समेत भाइरस संक्रमित फेला पर्न थालेका छन् । भाइरसले यस अघि देखा परेको सार्स र मार्स प्रकोपकै रुप लिने हो कि भन्ने सन्त्रास चारैतिर बढेको छ । एजेन्सी

प्रतिक्रिया [0]
प्रतिक्रिया दिनुहोस्