ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

दिक्क लागेर २४ हजार कुरियर थुपार्ने हुलाकी 

२०७६ माघ, १२  
र यो पनि
Image Not Found

माघ १२, टोकियो (जापान) । हामी सबैलाई अल्छी लाग्छ । केही काम भएन, समय कटाउने उपयुक्त तरिका नहुँदा अल्छी मात्रै होइन दिक्क पनि लाग्छ । दिक्क वा अल्छी लाग्यो भनेर आफ्नो दायित्व पूरा नगर्ने मानिसहरु जहाँ पनि भेटिन्छन् । 

तर यही बाहानामा वर्षेनी अरुलाई सुम्पिन भनेर लिएको सामान नदिइ साथमा राख्ने प्रवृत्ति भएका मानिसबारे तपाईले सुन्नु भएको छ ? 

जापानमा एक जना हुलाकीले सम्बन्धित व्यक्तिकहाँ पुर्‍याउँदा -पुर्‍याउँदा दिक्क लाग्यो भन्दै हजारौं थान चिठ्ठीपत्र अनधिकृत रुपमा आफ्नै घरमा लुकाएर राखेका छन् । 

छापा मार्ने क्रममा अधिकारीहरुले योकोहामा हुलाक कार्यालयका एक जना ६१ वर्षिय हुलाकीको घरमा करीब २४ हजार थान डेलिभरी नगरी थुपारेर राखिएका चिठ्ठी पत्र र कुरियर भेट्टाएका छन् । ती व्यक्ति डेलिभरी प्रमुखका रुपमा काम गर्थे । 

ती व्यक्ति टोकियो नजिक कानागावा प्रिफेक्चरको भएको बताइएको छ । युवा सहकर्मीको तुलनामा आफू पनि के कम भन्ने देखाउन समेत उनले यस्तो गरेको बताइएको छ । 
उनले घरमा सन् २००३ देखि नै कुरियर राख्न थालेको बताइएको छ ।

जापानको सरकारी स्वामित्वको हुलाक सेवा प्रदायक जापान पोष्टले भने कर्मचारीको यस्तो व्यवहारप्रति माफी मागेको छ । 

आफूहरुले यस घटनाबारे ढिलै मात्रै थाहा पाएको भन्दै फेला परेका सबै चिठ्ठीपत्र डेलिभरी गरिने वाचा जापान पोष्टका प्रवक्ताले गरेका छन् ।आन्तरिक छानबिनका क्रममा गत वर्ष ती हुलाकीमाथि शंका उत्पन्न भएको थियो । आफूमाथिको आरोप स्वीकार गरेपछि उनलाई बर्खास्त समेत गरिएको थियो । 

सन् २०१७ देखि गत वर्षको नोभेम्बरको बीचमा करीब १ हजार डेलिभरी नपाएको गुनासोका आधारमा जनवरी १४ मा अधिकारीहरुले ती हुलाकीमाथि फौजदारी मुद्दा दायर गरेका छन् । 
अपराधी ठहरिए भने उनले तीन वर्षसम्म जेल सजाय वा ५ लाख येन (४ हजार ६०० डलर) सम्म जरिवानाको सामना गर्नु पर्नेछ ।

 सन् २०१८ मा इटलीमा पनि ४०० किलोग्राम बराबर चिठ्ठीपत्रहरु सम्बन्धित व्यक्तिहरुलाई नदिइकन घरमै थुपारेर राखेको भन्दै ३३ वर्षिय हुलाकीलाई पक्राउ गरिएको थियो । एजेन्सी

प्रतिक्रिया [0]
प्रतिक्रिया दिनुहोस्