ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

प्यूठानका ठूला विकासे आयोजनाको काम नरोकिने

२०७७ बैशाख, १०  
प्रदेश ०५
Image Not Found
author avatar राजेश जीसी


वैशाख १०, प्यूठान । प्यूठानमा लकडाउनका कारण अब विकास आयोजनाको नरोकिने भएको छ । कोरोना भाइरस काभिड–१९ को संक्रमण रोकथामका लागि सरकारले देश लकडाउन गरेपछि यसअघि रोकिएका ठूला  विकासे आयोजनाको कामले गति लिने जिल्ला प्रशासन कार्यालय प्यूठानले जानकारी दिएको छ ।
समयमै समपन्न गर्नुपर्ने जिल्लाका ठूला गौरवका आयोजनालाई निरन्तरता दिने निर्माण भएको प्यूठानका प्रमुख जिल्ला अधिकारी कृष्णप्रसाद पन्थले जानकारी दिए । ‘प्यूठानका ठूला आयोजनालाई निरन्तरता दिन लागेका हौँ,’ उनले भने । उनका अनुसार प्यूठानमा सञ्चालन भइरहेका पुल, सडक, नदि नियन्त्रण, तटबन्धन लगायतका कामलाई सञ्चालन गर्न दिएको हो ।

गृह मन्त्रालयले ५ वटा आयोजनाको काम अगाडी बढाउन निर्देशन दिएको प्रजिअ पन्थले बताए । उनका अनुसार भालुबाङ –प्यूठान सडक, सुख्खा खोला पक्की पुल, २ वटा झिमरुक खोला पुल र लुङ खोला पुल रहेका छन् । साथै नेपाल सरकारको मापदण्द अनुसार बर्षातको समय सुरु हुन थालेकाले झिमरुक नदीको तटबन्धनको काम र बाग्दुला बहाने सडकखण्डको स्तरोन्नतिको काम थालेको छ । गत वर्ष झिमरुक नदिले खेतीयोग्य जमिन कटान गरेका कारण नदी तटबन्धनको कामको लागी अनुमति दिएको प्रजिअ पन्थले जानकारी दिए ।

गृह मन्त्रालयले दिएको निर्देशन अनुसार स्वास्थ्य तथा जनसंख्या मन्त्रालयले जारी गरेको स्वास्थ्य सम्बन्धी प्रोटोकलको पालना गर्न, श्रमिक लगायत कार्यस्थलमा रहने सवैको दैनिक ज्वरो नाप्न, नियमित स्वास्थ्य जाँच गर्न, मास्क, स्यानिटाइजर तथा साबुनपानीको प्रयोग गर्न, सामाजिक दुरी काम गर्नुपर्ने, धेरै जनाको समुह हुन नपाउने र एम्बुलेन्स तयारी अवस्थामा राख्नुपर्ने लगायतका शर्तमा रहेर काम गर्नुपर्ने उनले जानकारी दिए  ।

नेपाल सरकारले स्वास्थय तथा जनसंख्या मन्त्रालयले तोकेको स्वास्थय सम्वन्धी प्रोटोकल पालन भएको नभएको अनुगमन गर्ने जिम्मा स्थानीय तहको तथा समन्वय जिल्ला प्रशासन, प्रहरीको रहेको छ । जिल्ला प्रशासन कार्यालयले दिएको निर्देशन अनुसार विकास निर्माणको काम सुरु गरेको निर्माण ब्यवसायि तथा झिमरुक नदी तटबन्ध र सुख्खाखोला पक्की पुलको काम सम्पन्न गर्ने जिम्मा पाएको मल्लरानी आँसु जेभी कम्पनीका प्रतिनिधि बालाजु श्रेष्ठले बताए ।

‘सरकारको मापदण्द अनुसार काम गरेका छौँ,’ उनले भने, कामदारको स्वास्थय संवेदनशीलतालाई मध्यनजर गरेका छौँ ।’ स्थानीय प्रशासनले कामदारलाई कार्यस्थलमा रहनुपर्ने, खानेबस्ने व्यवस्था ठेकेदार कम्पनीले कार्यस्थममै गर्नुपर्ने, सामाजिक दुरी काम गर्ने, कार्यस्थल भन्दा बाहिर जान नपाउने र बाहिरी मान्छेसँगँ सम्र्पकमा आउन नपाइने जस्ता शर्त तोकिएको छ ।

त्यस्तै प्रदेश सरकारका आयोजनामा पनि अगाडी बढाउने तयारी भएको छ ।  उपप्रधानमन्त्री ईश्वर पोख्रलको अध्यक्षतामा बसेको कोरोना भाइरस रोकथाम तथा नियन्त्रण सम्बनधी उच्च स्तरीय समितीको चैत्र २० गते बसेको बैठकबाट भएको निर्णयबाट गरेको शर्तको पालन गर्नेगरी प्रदेश सरकारका आयोजना पनि अगाडी बढाउने निर्देशन आएको प्रमुख जिल्ला अधिकारी कृष्णप्रसाद पन्थले बताए ।

जिल्लामा निर्माण भइरहेका विकासे आयोजनाका लागि आवश्यक पर्ने निर्माण सामग्रीको अभाब हुने निर्माण व्यवसायीले बताएका छन् । देश बन्दाबन्दी हुदा सबै क्षेत्र बन्द छन् । जसका कारण निर्माण सामाग्री अभाव हुने निर्माण व्यवसायीको भनाइ छ ।

प्रतिक्रिया [1]
User Image

Khaisar Sunar

[Apr 22, 2020 09:05am]

Good


प्रतिक्रिया दिनुहोस्