ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

दमौली अस्पतालमा स्यानिटाइजर टनेल जडान

२०७७ बैशाख, ११  
गण्डकी प्रदेश
Image Not Found

वैशाख ११, दमनैली । तनहुँको सदरमुकामस्थित दमौली अस्पतालमा स्वचालित स्यानिटाइजर टनेल जडान गरिएको छ । विश्वव्यापी फैलिएको कोरोना भाइरस संक्रमण न्यूनीकरणका लागि अस्पतालको प्रवेशद्वारमा स्वचालित स्यानिटाइजर टनेल जडान गरिएको छ ।

व्यास नगरपालिका–४ निवासी राष्ट्रिय प्रतिभा पुरस्कारबाट विभूषित युवा वैज्ञानिक विकल्प ढुङ्गानाले उक्त स्यानिटाइजर टनेल निर्माण गरेका हुन् । 

ढुङ्गानाका अनुसार अस्पताल प्रवेश गर्नुअघि र अस्पतालबाट बाहिर निस्कने बेला उक्त उपकरणबाट व्यक्तिको शरीर स्यानिटाइज हुने गरेको छ । 

उनका अनुसार स्यानिटाइजर टनेल निर्माणका लागि रू. ३५ हजार खर्च भएको छ । स्यानिटाइज गर्नका लागि दश लिटर क्षमताको ट्यांकी निर्माण गरिएको र त्यसलाई ३० हजार लिटर क्षमतामा वृद्धि गर्ने तयारी गरिएको छ । ‘एक व्यक्तिलाई पाँच सेकेण्डसम्म स्यानिटाइज गर्दा ५० देखि ६० एमएल औषधि खर्च हुन्छ,’ उनले भने, ‘मानिस उक्त टनेलभित्र रहेको अवस्थामा रातो बत्ती बल्छ र निस्किएपछि हरियो बत्तीले संकेत दिन्छ ।’

अस्पताल संवेदनशील ठाउँ रहेकाले सेवा लिन आउने प्रत्येक सर्वसाधारणलाई स्यानिटाइज गराएर मात्रै अस्पतालमा प्रवेश दिइएको अस्पताल विकास समितिका अध्यक्ष प्रदीपराज अधिकारीले जानकारी दिए । 

स्यानिटाइजर टनेलको शुभारम्भ कार्यक्रममा बुधवार जिल्ला समन्वय समितिका प्रमुख शान्तिरमण वाग्लेले कोरोनाबाट बच्नका लागि सुरक्षा सावधानी अपाउनुपर्ने पहिलो दायित्व रहेकाले अस्पतालमा टनेल निर्माण गरिनु सकारात्मक रहेको बताए । रासस

प्रतिक्रिया [0]
प्रतिक्रिया दिनुहोस्