ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

उपभोक्ताको घरघरमा तरकारी पुर्‍याउँदै प्यूठानका कृषक

२०७७ बैशाख, ११  
प्रदेश ०५
Image Not Found
author avatar राजेश जीसी

वैशाख ११, प्यूठान । लकडाउनका कारण किसानको तरकारी बारीमा कुहिन थालेपछि प्यूठानका कृषकले तरकारी उपभोक्ताको घर घरमा पुर्‍याउन थालेका छन् । किसानले उत्पादन गरेको तरकारी एकै ठाउँमा जम्मा गरी विक्री गर्न थालिएको प्यूठान नगरपालिका ८ का कृषक विपना थापाले बताइन् । 

‘उपभोक्ताले हरियो तरकारी खान पाएका छैनन्,’ उनले भनिन्, ‘यता उत्पादन भएको तरकारी विक्री नभएर बारीमै कुहिन थालेको छ ।’ प्यूठान नगरपालिका ८ का किसानले बिहानै तरकारी संकलन गरी बाग्दुला, बिजुवार, जुम्री लगायत स्थानका घर घरमा तरकारीपुर्‍याउने गरेका छन् । यसो गर्दा केही मात्रामा भए पनि तरकारी विक्री हुने गरेको उनीहरू बताउँछन् ।

किसानले तरकारी घरघरमा पुर्‍याउँदा उपभोक्ताले ताजा तरकारी उपभोग गर्न पाएको बिजुवारका एक उपभोक्ताले बताए । लकडाउनका कारण हरियो तरकारी उपभोग गर्न नपाएको थिएनौं । तर किसानले घरघरमा तरकारी ल्याउन थालेपछि सहज भएको उनी बताउँछन् ।

विश्वभर कोरोना भाइरस (कोभिड–१९) को संक्रमण दर फैलिँदै गएपछि नेपाल सरकारले देश लकडाउन  गरेको छ, जसका कारण सबै क्षेत्र पूर्णरूपमा बन्द छ भने किसानले उत्पादन गरेको त कृषि उपज कुहिन थालेका छन् । 

नेपाल सरकारले खाद्यान्न, तरकार, दाना पसल खुल्न तथा ढुवानी गर्न दिए पनि सीमित समय ( बिहान र बेलुका केही घण्टा) मात्र खुल्दा समयमै कृषि उपज बजार पु¥याउन नसकेको यहाका किसान बताउँछन् । प्यूठान नगरपालिका ८ अर्काे अर्की कृषक देवी थापाले पनि लकडाउन भएपछि घरघरमा तरकारी विक्री गर्दै आएकी छिन् । उनले लकडाउन भएसँगै थापाले यतिबेला घरघरमापुगी तरकारी बेच्दै बच्दै आएकी छिन् ।

प्रतिक्रिया [0]
प्रतिक्रिया दिनुहोस्