ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

राष्ट्रपतिद्वारा दुई ओटै अध्यादेश खारेज

२०७७ बैशाख, १२  
समाचार
NA
author avatar अभियान संवाददाता

वैशाख १२, काठमाडौं । राष्ट्रपति विद्यादेवि भण्डारीले शुक्रवार दुई ओटा अध्यादेशहरु खारेज गर्नुभएको छ ।

प्रधानमन्त्रि केपी शर्मा ओलीले राजनीतिक दल विभाजन र सैवधानिक परिषदसम्वन्धि दुई ओटा अध्यादेशहरु खारेज गर्ने निर्णय गरेपछि मन्त्रिपरिषदको पत्रानुसार राष्ट्रपतिले ती अध्यादेश खारेज गर्नुभएको हो ।

 चौतर्फी विवाद भएपछि शुक्रवार बसेको मन्त्रिपरिषद बैठकले  राजनीतिक दल विभाजन तथा संवैधानिक परिषदसम्वन्धि अध्यादेश फिर्ता लिएको थियो । बैठकपछि सरकारले अध्यादेश खारेज गर्न राष्ट्रपतिलाई आग्रह गरेको थियो । 

सरकारले यही वैशाख ८ गते राजनीति दल र संवैधानिक परिषद् सम्बन्धी दुई अध्यादेश ल्याएको थियो । 

एउटा अध्यादेश दल विभाजनलाई खुकुलो बनाउने र अर्को अध्यादेशमा प्रतिपक्षी दलको नेता नभए पनि संवैधानिक परिषद्को बैठक बसी निर्णय गर्न सक्ने ल्याइएको थियो ।


 शुक्रवार बसेको मन्त्रिपरिषद् बैठकले अध्यादेश फिर्ता लिने निर्णय गरी मन्त्रिपरिषदले सिफारिस गरेपछि अध्यादेश खारेज गरिएको राष्ट्रपति कार्यालयका सहायक प्रवक्ता केशवप्रसाद घिमिरेद्वारा जारी विज्ञप्तिमा उल्लेख छ ।


 

यो पनि हेर्नुस्

चौतर्फी दबाबपछि सरकारले फिर्ता लियो दुवै अध्यादेश

प्रतिक्रिया [0]
प्रतिक्रिया दिनुहोस्