ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

सिंगापुरमा बेरोजगारी दर दशककै उच्च 

२०७७ बैशाख, १७  
अन्तरराष्ट्रिय
Image Not Found

वैशाख १७, सिंगापुर । सिंगापुरमा बेरोजगारी दर बढेर एक दशककै उच्च बिन्दुमा उक्लिएको छ । कोरोना भाइरसको महामारीका कारण म्यानुफ्याक्चरिङ, सेवा र निर्माण क्षेत्रका रोजगारी उल्लेख्य घटेपछि वर्षको पहिलो त्रैमासमा बेरोजगारी दर बढेको हो ।
 

अघिल्लो त्रैमासमा २ दशमलव ३ प्रतिशत रहेको बेरोजगारी दर जनवरी–मार्च त्रैमासमा बढेर २ दशमलव ४ प्रतिशतमा पुगेको त्यहाँको श्रम मन्त्रालयले बुधवार जारी गरेको तथ्यांकले देखाएको छ । यो सन् २००९ को विश्वव्यापी वित्तीय संकटयताकै उच्च हो । 

समीक्षा अवधिमा विदेशी घरेलु कामदार बाहेकको कुल रोजगार संख्या १९ हजार ९०० ले घटेको छ । यो कमी सन् २००३ मा सिंगापुर सार्सको महामारीसँग जुधिरहेको बेलायताकै तीव्र त्रैमासिक कमी हो । 

सिंगापुरले ५५ वर्षको इतिहास यताकै गहिरो मन्दीको सामना गरिरहेको छ । बेरोजगारी थप बढ्ने र तलब घट्न सक्ने चेतावनी अधिकारीहरुले दिइरहेका छन् । 

एशियामा सबैभन्दा धेरै कोरोना संक्रमण रहेको देशमा सिंगापुर पनि पर्दछ । महामारी फैलिन नदिन सरकारले व्यापक बन्दाबन्दी गरेको छ । बन्दाबन्दीका उपायहरुमा जुन १ सम्म अधिकांश कार्यस्थल र विद्यालय बन्द लगायत उपायहरु छन् । 

स्थानीय स्तरमा संक्रमण रोक्न चालिएका उपायहरु र विश्वभर मागमा आएको कमीका कारण आगामी त्रैमासमा श्रम बजारको अवस्था झनै खराब हुने श्रम मन्त्रालयले बताएको छ । एजेन्सी

प्रतिक्रिया [0]
प्रतिक्रिया दिनुहोस्