ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

यस बैंक घोटाला : डीएचएफएल प्रमोटर मे १ सम्म हिरासतमा 

२०७७ बैशाख, १८  
अन्तरराष्ट्रिय
Image Not Found

वैशाख १८,  नयाँदिल्ली । भारतको चर्चित यस बैंक घोटाला काण्डमा आरोपित कपिल वधावनलाई मुम्वई अदालतले बुधवार मे  एकसम्म हिरासतमा राखी थप अनुसन्धान गर्न आदेश  दिएको छ ।  सीबीआईले मे चारसम्म हिरासतमा राख्न आदेश  मागेकोमा अदालतले उनलाई  मे एकतारिख सम्म राख्न आदेश  दिएको हो ।

सीबीआईले अदालतसमक्ष यस बैंक घोटाला काण्डको अनुसन्धानमा वधावनले सहयोग नगरेको बताएको  थियो । सीबीआईको यस्तो मागपछि गिरफ्तारी रोक्न  माग गरेका वधावनको  उजुरी अदालतले  रद्द गरेको थियो ।

मुंवईको सीबीआई स्पेशल कोर्टले बुधवार यस बैंक घोटालाकाण्ड मामलामा दीवान हाउजिंग फाइनान्स लिमिटेड (डीएचएफएल) का प्रमोटर कपिल वधावन  र उनका भाई धीरज वधावनलाई अदालतको  आदेश पछि हिरासतमा राख्न अनुमति  पाएको हो ।

प्रहरीले गत आइतवार ती दाजुभाईलाई महाराष्ट्रस्थित सतरा जिल्लाको महाबलेश्वरबाट गिरफ्तार गरेको थियो । उनीहरुलाई क्वारेन्टाइनको अवधि सकिएपछि प्रहरीले गिरफ्तार गरेको भारतीय संचारमाध्यमहरुले बताएका छन्  ।

सीबीआईले मार्च ७ मा  यस बैंकका सह–संस्थापक राणा कपूर, वधावन दाजुभाई समेत अन्य विरुद्ध सम्पती शुद्धीकरण अभियोगमा मुद्दा दायर गरेको थियो ।

सीबीआईका प्रवक्ताका अनुसार मार्च  १७ मा मुंबईस्थित सीबीआई  विशेष अदालते वधावन दाजुभाई विरुद्ध गैर जमानत वारेन्ट जारी गरेको थियो तर उनीहरु  सीबीआईसमक्ष हाजिर भएका थिएनन् ।

राणा कपूरसँगै चलिरहेको यस बैंक घोटाला मामलामा डीएचएफएलका प्रमोटर वधावनले उनी र उनको परिवारलाई  घर निर्माण ऋणको  आडमा ६०० करोड भारु भुक्तानी गरेका थिए । एजेन्सीको सहयोगमा

प्रतिक्रिया [0]
प्रतिक्रिया दिनुहोस्