ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

नेवानिमाथि नकारात्मक आँखा

२०७६ माघ, २३  
१० वर्ष अघि
NA


हिजोआज नेपालका विभिन्न सञ्चारमाध्यमहरू नेपाल वायुसेवा निगमले खरिद गर्न लागेको वाइडबडी विमानका समाचारहरूले रंगिन थालेका छन् । यसबारे निरन्तर समाचार लेख, अन्तर्वार्ता, बहस, गुनासा आदि प्रकाशित प्रचारित नभएको सायदै कुनै दिन होला । हरेक पक्षले आआफ्ना तर्क, आग्रह–पूर्वाग्रह, विश्वास–अविश्वास व्यक्त गर्दै आएका छन् । यसका साथै कतिपयले निगमले जहज किन्नैपर्छ पनि भनेका छन् । निगमका कर्मचारीको गैरजिम्मेवारीपना कामकारबाहीको पुरानै शैली, क्षमतादेखि निगमका कार्यकारी अध्यक्षको दक्षताका बारेमा समेत तर्कवितर्कहरू भइरहेका छन् ।

एकातिर विमान खरिदप्रक्रियामा पारदर्शिता नअपनाइएको भनी सार्वजनिक लेखा समितिले छानबिन गरिरहेको छ भने अर्कातिर निगममा निहित कतिपय राम्रा पक्षको बेवास्ता गर्दै र यथार्थलाई बंग्याएर वा यथार्थसम्म नपुगी सञ्चार माध्यमहरूले नकारात्मक समाचार लगायतका सामग्रीहरू पस्किरहेका छन् । केही सञ्चारमाध्यमको बढी नै पूर्वाग्रहपूर्ण व्यवहारले निगमसँग सम्बद्ध कमचारी शुभचिन्तक, पर्यटन व्यवसायी तथा सर्वसाधारणलाई थप चिन्तित तुल्याएको छ । 

नेपाल वायु सेवा निगम सरकारको पूर्ण स्वामित्वमा सञ्चालित संस्थान हो । त्यसकारण यसको व्यवस्थापनको निर्णय गर्ने अधिकार नेपाल सरकारमा मात्रै छ । आफ्नै नियन्त्रणमा रहेको संस्थानको व्यवस्थापन सक्षम छ वा छैन, त्यसलाई कसरी सक्षम बनाउने भन्ने निर्णय गर्ने काम पनि सरकारकै हो । त्यसैले पुरानो व्यवस्थापन सक्षम थियो वा असक्षम थियो, त्यसका बारेमा सार्वजनिक पदधारण गरेका व्यक्तिहरूले बोलीहिँड्नु असान्दर्भिक देखिन्छ । कुनै पनि बेला संस्थानमा कसैलाई नियुक्त गर्दा ती सर्वथा सरकारप्रति नै उत्तरदायी हुन्छन् । त्यसकारण कुनै समयका कर्मचारी पूरै भ्रष्ट र कुनै समयका पूर्णतः शुद्ध भन्ने आशयको वक्तव्य दिनु कुनै पनि दृष्टिमा राम्रो होइन । 

(वसन्तराम कार्कीको आलेखबाट)
वर्ष ५, अंक १५, २०६६, मंसिर २९–पुस ४

प्रतिक्रिया [0]
प्रतिक्रिया दिनुहोस्