ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Mango Tech Digital Marketing Solution

‘माग पूरा नभए लकडाउनपछि पनि उद्योग सञ्चालन गर्न सकिँदैन’

२०७७ बैशाख, २२  
बजार
Image Not Found
author avatar अभियान संवाददाता

काठमाडौं । मोरङमा क्रियाशील उद्योग व्यवसायसम्बद्ध दुई ओटा संगठनले लकडाउन खुले पनि उद्योग व्यवसाय सञ्चालन गर्न नसकिने बताएका छन् । उद्योग संगठन मोरङ र मोरङ व्यापार संघले आइतवार संयुक्त प्रेस विज्ञप्ति जारी गरी व्यवसायीले उठाएका माग सरकारले सम्बोधन नगरे उद्योग सञ्चालन गर्न नसकिने बताएका हुन् ।

उद्योगीहरूले लकडाउन शुरू भएदेखि ३ वर्षसम्मका लागि उद्योग व्यवसायमा प्रवाह गरिने ऋणको हाल कायम व्याजदरमा ५ प्रतिशत कम गर्न माग गरेका छन् । यस्तै ‘नो बिजनेश, नो वर्क, हाउ टू पे’ सिद्धान्तअनुसार काम नगरेको अवधिको पारिश्रमिक भुक्तानी गर्न आफूहरू असमर्थ रहेको र श्रमिकलाई सरकारले उचित प्रबन्ध गरिदिनुपर्ने उनीहरूको माग छ ।

उद्योग संगठनका अध्यक्ष भीम घिमिरे तथा मोरङ व्यापार संघका अध्यक्ष प्रकाश मुन्दडाले हस्ताक्षर गरेको उक्त विज्ञप्तिमा बैंकर्श एसोसिएशनका अध्यक्ष भुवन दाहालले हालै सार्वजनिक सञ्चारमाध्यममा दिएको अभिव्यक्तिप्रति उनीहरूले कडा आपत्ति प्रकट गरेका छन् ।

दाहालले ‘व्यवसायी नाफा लुकाउने भएकाले व्याज छुट दिनुहुन्न’ भनेर विभिन्न सञ्चार माध्यममा अभिव्यक्ति दिएको विज्ञप्तिमा उल्लेख गरिएको छ । उनको अभिव्यक्तिले देशलाई आत्मनिर्भर बनाउँंदै वैदेशिक व्यापारघाटा कम गर्न महत्वपूर्ण भूमिका निर्वाह गर्दै आएको निजी क्षेत्रलाई निरुत्साहित बनाएको दाबी गरिएको छ ।

विश्वव्यापी कोरोना भाइरसको संक्रमणका कारण मानव अस्तित्व नै संकटमा परेको विषम परिस्थितिमा उद्योग÷व्यवसाय क्षेत्रबाट भएको मानवीय सहयोग तथा निरन्तर आर्थिक विकासमा गरेको योगदानलाई नभुल्न सरकारलाई उनीहरूले आग्रह गरेका छन् ।

प्रतिक्रिया [0]
प्रतिक्रिया दिनुहोस्