ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

आर्थिक संकटप्रति निस्पृह राजनीति

२०७६ माघ, २४  
१० वर्ष अघि
NA

गत शुक्रबार नेपाल राष्ट्र बैंकले प्रकाशित गरेको चालू आर्थिक वर्षको प्रथम तीन महिनाको मुलुकको आर्थिक अवस्थाको विवरणले आसन्न अनिष्टको संकेत देखाएको छ । यो तीन महिनाको अवधिमा देखिएको सबैभन्दा नकारात्मक पक्ष भनेको झन्डै एक दशकको अवधिमा मुलुकको शोधनान्तरण स्थिति पहिलोपटक प्रथम त्रैमासमा नै १९ अर्बभन्दा बढीले नकारात्मक हुनु हो । आयातमा आधारित राजस्वमा ५४ प्रतिशतले वृद्धि भएको देखिए पनि बैंकहरूसँग रहेको तरल कोष, निक्षेप, विदेशी विनिमय सञ्चिति,  वृद्धिदर, व्यापार घाटा आदि सबै पक्षमा तीव्र नकारात्मक प्रवृत्तिहरू देखिएका छन् । 

यो विवरणले समेटेको असोज मसान्तपछिको अवस्थामा अर्थव्यवस्था थप संकटतर्फ उन्मुख भइसकेको प्रशस्त उदाहरणहरू छन् । 

असोज मसान्तमा ८/९ प्रतिशतमा रहेको अन्तरबैंक ब्याजदर अहिले १२ प्रतिशतको हाराहारीमा पुगेको छ । विगत दुई महिनामा राष्ट्र बैंकले १३ अर्ब रुपैयाँको तरलता बजारमा छाडेको छ । तैपनि बजरमा तरलताको अभाव यथावत् छ । 

बजेट पारित नभएर सरकारी ढुकुटीमार्फत प्रवाहित हुने विकास निर्माणको खर्च बिलकुलै हुन नसकेको यी दुई  महिनामा अर्थतन्त्रका अन्य धेरै पक्षहरूका गम्भीर नकारात्मक असर परेको छ भन्ने अनुमान लगाउन कठिन छैन । अथवा अहिले मुलुकको आर्थिक अवस्था यो प्रतिवेदनले देखाएको भन्दा पनि निकै जर्जर भइसकेको छ । 

यसबाहेक बृहत् अर्थशास्त्रीय दृष्टिबाट देखिने दीर्घकालसम्म प्रभाव पार्ने खालका प्रवृत्तिहरू झनै डरलाग्दा छन् । मुलुकको औद्योगिक उत्पादन र निर्यातमा लगातार ह्रास आइरहेको छ । आयात वृद्धि भएको छ तर त्यसमध्ये झन्डै २७ प्रतिशत हिस्सा पेट्रोलियम पदार्थले मात्र ओगटेको छ । यस्तै १३÷१४ प्रतिशत अंश सवारीसाधनको रहेको छ । 

(सम्पादकीयबाट)
वर्ष ५, अंक १५, २०६६, मंसिर २९–पुस ४

 

प्रतिक्रिया [0]
प्रतिक्रिया दिनुहोस्