ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

जेफ बेजोसको जीवनलाई बदलेको त्यो क्षण

२०७६ माघ, २६  
रोजगारी
Image Not Found

वाशिङटन डीसी (अमेरिका) । अमेरिकी अनलाइन खुद्रा कम्पनी एमजनका प्रमुख कार्यकारी अधिकृत (सीईओ) जेफ बेजोस विश्वका सबैभन्दा धनी व्यक्ति हुन् । अमेरिकी आर्थिक पत्रिका फोर्ब्सको रियलटाइम नेटवर्थ अनुसार आइतबार फेब्रुअरी ९ मा बेजोसको नेटवर्थ १ खर्ब २६ अर्ब ८० करोड डलर रहेको छ । हामी उनलाई विश्वकै ‘स्मार्ट’ व्यक्तिका रुपमा हेर्छौ । तर विद्यार्थी जीवनमा आफूलाई ‘स्मार्ट’ ठान्दैनथे बेजोस । 

सन् १९८० को दशकमा बेजोस भौतिकशास्त्रलाई मुख्य विषय विषय बनाएर प्रिन्सटन विश्वविद्यालयमा पढ्दै थिए । त्यति बेला उनी आफूलाई (पढाइमा) प्रतिस्पर्धा गर्नै नसक्ने व्यक्तिका रुपमा हेर्थे । त्यसपछि उनले आफ्नो मुख्य विषय विद्युतीय इञ्जिनियरिङ र कम्प्युटर साइन्सलाई बनाए । अनि यसले नै बेजोसको जीवनको बाटो फेरिदियो ।

‘मैले कक्षामा आँखा डुलाए, त्यहा भौतिक शास्त्रमा म भन्दा धेरै, कयौं धेरै सिपालु तीन जना थिए । तिनका लागि यो अति अति सजिलो थियो ।’ घन्टौंसम्म एउटा हिसाब समाधान गर्न नसकेपछि बेजोसलाई यस्तो महसुस भयो ।

एक दिन तीन घन्टासम्म एउटा हिसाब समाधान गर्न खोज्दा पनि नसकेर जहाँ त्यही थिए बेजोस र उनका साथी । अनि उनीहरुले मद्दतका लागि अर्का श्रीलंकाली साथी यासान्ता राजकरुणानायकेलाई भने ।

तर राजकरुणानायकेले प्रश्न हेर्ने बित्तकै उत्तर दिए । आफ्नो जवाफले बेजोस र जोको चित्त नबुझेको देखेर राजकरुणानायकेले उनीहरुलाई कोठामै बोलाएर तीनओटा पानामा हसाब गरेर देखाए । बेजोसका अनुसार त्यति बेला नै उनलाई भौतिक शास्त्र पढेर केही गर्छु जस्तो लागेन । फरक पेशा पछयाउनु पर्छ भन्ने महसुस उनलाई भयो । ‘त्यो मेरो लागि निकै महत्वपूर्ण क्षण थियो, त्यति बेला नै मलाई महसुस भयो कि म कहिल्यै राम्रो सैद्धान्तिक भौतिकशास्त्री बन्न सक्दिन ।,’ सन् २०१८ मा वाशिङ्टनमा इकोनोमिक क्लबमा आयोजित एक कार्यक्रममा बेजोसले भने । 

त्यसपछि बेजोसले आफ्नो मुख्य विषय परिवर्तन गरे अनि आफ्नै नयाँ व्यवसाय शुरु गर्ने वाचा गरे । सन् १९८६ मा बेजोसले प्रिन्सटनबाट विद्युतीय इञ्जिनियरिङ र क्म्प्युटर साइन्समा स्नातक गरे ।

सन् १९९४ मा हेज फन्डमा काम गरिरहेको बेलामा उनले इन्टरनेटमा आधारित व्यवसायमा वार्षिक रुपमा २ हजार ३ सयका दरले विस्तार भइरहेको तथ्यांक फेला परे । यो देखेर उनी शुरुमा अचम्भित भए ।

यसले नै सन् १९९५ मा एमजन लञ्च गर्न बेजोस प्रेरित भएका हुन् । शुरुमा किताब मात्रै बेच्ने कम्पनीले अहिले नबेच्ने कुरा केही पनि छैन । एमाजनको बजार पूँजीकरण १० खर्ब डलरभन्दा माथि छ । यो विश्वको सबैभन्दा ठूलो अनलाइन खुद्रा कम्पनी बनेको छ । 

(सीएनबीसीमा प्रकाशित विवरणको आधारमा)

प्रतिक्रिया [0]
प्रतिक्रिया दिनुहोस्