ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

औपचारिक कार्यक्रमविना मनाइयो २५६४औं बुद्धजयन्ती

२०७७ बैशाख, २६  
समाचार
NA

काठमाडौं (अस) । कोरोना भाइरस (कोभिड–१९) प्रकोपका कारण औपचारिक कार्यक्रमविना नै बिहीवार २५६४औं बुद्धजयन्ती मनाइएको छ । पर्यटन वर्षलाई दृष्टिगत गर्दै गौतमबुद्धको जन्मस्थल लुम्बिनीमा आयोजना गर्ने भनिएको तेस्रो अन्तरराष्ट्रिय बौद्ध सम्मेलन पनि कोरोनाकै कारण स्थगित भएको छ ।

सरकारले बुद्धजयन्तीको अवसरमा कोरोना महामारीविरुद्धको लडाइँमा अग्रपंक्तिमा रहेर खटिएका चिकित्सक, स्वास्थ्यकर्मी, सुरक्षाकर्मी तथा स्वयंसेवकप्रति उच्च सम्मान एवं कोरोना संक्रमितको स्वास्थ्यलाभको कामना गरेको छ । साथै सरकारको आग्रह अनुसार बिहीवार साँझ ७ बजे घर–घरमा दीप प्रज्वलन गरिएको छ । बुद्धजयन्तीका अवसरमा राष्ट्रपति विद्यादेवि भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओली तथा प्रमुख प्रतिपक्ष दल नेपाली कांग्रेसका सभापति शेरबहादुुर देउवाबाट शुभकामना सन्देश व्यक्त गरिएको छ । बुद्धजयन्ती तथा लुम्बिनी दिवसको अवसरमा लुम्बिनीस्थित मायादेवी मन्दिर परिसरमा निश्चित भौतिक तथा सामाजिक दूरी कायम गरी बौद्ध भिक्षु, भिक्षुणी तथा लामाले विश्व शान्तिको कामना गर्दै प्रार्थना एवं पूजापाठ गरे । यस क्रममा लुम्बिनी विकास कोषले २ हजार ५६४ ओटा दीप प्रज्वलन गरेको छ ।

 

 

प्रतिक्रिया [0]
प्रतिक्रिया दिनुहोस्