ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

आर्क पुल निर्माण अन्तिम चरणमा

२०७६ माघ, २८  
विविध
NA

काठमाडौं । ‘नेटवर्क आर्क ब्रिज’ प्रविधिबाट निर्माण भएको बिजुलीबजारस्थित धोवीखेलाको दोस्रो पुलको काम अन्तिम चरणमा पुगेको छ । पुल निर्माण सकिएसँगै सडक कालोपत्र गर्ने, पुलमा रङरोगन र बत्ती जडानको काम गरिनेछ । 

निर्माण व्यवसायीले केही समयमै रङरोगन र सडक कालोपत्र गर्ने काठमाडौं उपत्यका सडक विस्तार आयोजनाका इन्जिनीयर विश्वविजयलाल श्रेष्ठले बताए । सडकमा राखिने बत्ती डिजाइनमा उल्लेख भएभन्दा फरक राख्न छलफल भइरहेको उनको भनाइ छ । ‘अन्तिम काम सकिएलगत्तै पुल सञ्चालनमा आउँछ,’ उनले भने । एउटै ठेक्कामार्फत मुख्य लेनको दाँया–बाँया पुल निर्माण भइरहेकोमा अघिल्लो वर्ष नै सम्पन्न भएर एउटा सञ्चालनमा आएको छ । एउटै समयमा र उस्तै डिजाइनमा निर्माण गर्ने भनिएको तीनकुनेस्थित बागमती पुलको काम भने अघि बढेको छैन । बिजुलीबजार पुल निर्माणका लागि २०७१ पुसमा जेई कन्स्ट्रक्शन प्रालिले जिम्मेवारी लिएको थियो । ३ वर्षमा सक्नेगरी पहिलोपटक ठेक्का सम्झौता भएको थियो ।  सो पुलको चौडाइ १२ मिटर र लम्बाइ ५१ दशमलव ४५ मिटर छ । रासस

प्रतिक्रिया [0]
प्रतिक्रिया दिनुहोस्