ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

हवाई यात्रीलाई १४ दिन क्वारेन्टाइनमा राख्दै बेलायत

२०७७ बैशाख, २७  
अन्तरराष्ट्रिय
Image Not Found

वैशाख २७, लन्डन (बेलायत) । बेलायतले हवाई यात्रीहरुलाई १४ दिन क्वारेन्टाइनमा राख्ने भएको छ । आयरल्याण्डबाहेक अन्य देशबाट आउने जोकोही यात्रीलाई क्वारेनटाइनमा राखिने सरकारले त्यहाँका विमान सेवा प्रदायक कम्पनीहरुलाई बताएको छ ।

 यो नियम यसै महीनाको अन्त्यदेखि लागू हुने अपेक्षा  गरिएको छ । यो योजना कार्यान्वयन गर्न भरोसायोग्य बाहिरिने योजना चाहिने र साप्ताहिक रुपमा यसको समीक्षा गर्नु पर्ने घरेलु विमान सेवा प्रदायक कम्पनीहरुको संगठन एयरलाइन्स यूकेले बताएको छ ।
 

बेलायत आइपुग्ने मानिसहरुले आफूलाई निजी आवासमा एकान्तवासमा राख्नु पर्नेछ । यो क्वारेन्टाइन लागू भएमा यात्रीहरुले आफू आएको ठाउँको ठेगाना उपलब्ध गराउनु पर्ने सरकार र उड्ययन स्रोतले बताएको भन्दै बीबीसीले समाचार छापेको छ । 

यात्रामा लगाउन थालिएको यो प्रतिबन्ध कहिलेसम्म रहन्छ भन्ने स्पष्ट छैन । गैर–बेलायती बासिन्दाहरुलाई निजी आवास भाडामा लिने अनुमति छ छैन भन्ने पनि खुलाइएको छैन । 

यति बेला आएर क्वारेनटाइन चाहिएको हो भने यस अघि चाहीं सरकारले यसलाई किन आवश्यक ठानेन भन्ने प्रश्न गर्न थालिएको छ । बीबीसी


 

प्रतिक्रिया [0]
प्रतिक्रिया दिनुहोस्