ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

सरकारी कम्पनीले शुरू गर्‍यो समर्थन मूल्यमा गहुँ खरीद

२०७७ बैशाख, २८  
समाचार
NA
author avatar प्रशान्त खड्का

काठमाडौं । खाद्य व्यवस्था तथा व्यापार कम्पनी लिमिटेडले सरकारद्वारा तोकिएको समर्थन मूल्यमा गहुँ किन्न शुरू गरेको छ । सरकारले गहुँको समर्थन मूल्य प्रतिक्वीन्टल ३ हजार १५ रुपैयाँ निर्धारण गरेको छ ।

चालू आर्थिक वर्षका लागि कम्पनीले बर्दियाको राजापुरमा १ हजार, कैलालीको टीकापुर र धनगढीमा १ हजार, भैरहवा र नेपालगञ्जमा १ हजार टन गरी ३ हजार टन गहुँ किन्न लागिएको कम्पनीका महानिर्देशक नेत्रप्रसाद सुवेदीले जानकारी दिए । उनका अनुसार स्थानीय उत्पादनलाई कम्पनीको खरीद केन्द्रमार्पmत किनी आवश्यक ठाउँमा लगेर विक्री गर्ने नीति लिएको छ ।

गत चैत २२ गतेदेखि राजापुर र टीकापुरमा गहुँ किन्न शुरू भएको छ । हालसम्म राजापुरमा ३५ जना किसानको करीब ७ सय ४ क्वीन्टल गहुँ किनिसकिएको राजापुर आधुनिक चामल कारखानाका प्रमुख रेवन्त रावलले जानकारी दिए । यसैगरी टीकापुरमा हालसम्म कीरब १ हजार क्वीन्टल किनिसकिएको कम्पनीको धनगढी डिपोका प्रमुख अनिल श्रेष्ठले बताए । ‘तर, कम्पनीको मूल्यभन्दा बजार मूल्य बढी भएका कारण किसानहरू कम्पनीको डिपोमा गहुँ विक्री गर्न नआउँदा धनगढी डिपोबाट गहुँ किन्न सकिएको छैन,’ उनले भने ।

नेपालगञ्ज र भैरहवामा पनि हालसम्म किन्ने कार्य शुरू हुन सकेको छैन । नेपालगञ्जमा कोरोनाका बिरामी बढेको भन्दै सरकारले कप्mर्युको घोषणा गरेका कारण खरीद थप प्रभावित हुने देखिन्छ । भैरहवामा गहुँ किन्ने प्रक्रियाका लागि कृषि ज्ञान केन्द्रसँग समन्वय भइरहेको र चाँडै नै किन्ने काम शुरू हुने कम्पनीकी सूचना अधिकारी शर्मिला न्यौपाने सुवेदीले जानकारी दिइन् । कम्पनीले प्रतिक्वीन्टल २७/२८ सय रुपैयाँका दरले गहुँ किन्ने लक्ष्य राखेर ९ करोड ५ लाख रुपैयाँ विनियोजन गरेको थियो । तर, सरकारले समर्थन मूल्य तोकेपछि त्यसैअनुसार गहुँ किनिरहेको कम्पनीले जानकारी दिएको छ ।

कम्पनीले आर्थिक वर्ष ०७४/७५ मा १२ सय ६५ टन र ०७५/७६ मा ३ सय ८१ टन गहुँ किनेको थियो । यसरी किनिएको गहुँलाई सम्भव भएसम्म आटा बनाएर दार्चुला, जुम्ला, हुम्लालगायत दुर्गम जिल्लाहरूमा विक्री गरिने र सम्भव नभए अफसिजनमा गहुँ नै विक्री गर्ने तयारी कम्पनीले गरेको छ ।

गतवर्षको तुलनामा यस वर्ष गहुँको उत्पादन बढ्ने अनुमान कृषि मन्त्रालयले गरेको छ । गतवर्ष २० लाख ४० हजार टन उत्पादन भएको गहुँ यस वर्ष करीब १० प्रतिशतले बढ्ने प्रारम्भिक अनुमान कृषि मन्त्रालयले गरेको छ ।

प्रतिक्रिया [1]
User Image

rebanta rawal

[May 10, 2020 03:41am]

दुरदराजका समाचार सम्प्रेषण गरिसबैलाई सुसूचित गर्नु भएको मा हार्दिक धन्यबाद ।


प्रतिक्रिया दिनुहोस्